Login to your account

Username *
Password *
Remember Me

Ró Berlin-Ramelau To’o Portu, CNRT ‘Hadau’ Susesu Governasaun Taur 

Ró Berlin-Ramelau ne’ebé atraka hela iha Portu Dili, sesta (10/12). Ró Berlin-Ramelau ne’ebé atraka hela iha Portu Dili, sesta (10/12). Foto Suplay

Tempotimor (Dili)-Ró Berlin Ramelau ne'ebé atraka ona iha portu Dili ohin (10/12) maizomenus  tuku 10:00, Bankada partidu Congresso Nasional de Reconstrução de Timor (CNRT) iha Parlamentu Nasional komesa hadau susesu Governasun ne’ebé lidera husi Primeiru Ministru (PM), Taur Matan Ruak.

Tanba Deputadu CNRT, Domingos de Carvallo hatete, Ró Berlin Ramelu ne'ebé atraka iha portu Dili planu Governu anterior nian, la'ós VIII Governu.

"Ró Berlin Ramelau ne'e tempu anterior ninian, ne'e la'ós ida fali governasaun ida agora dadaun ba halo kontratu ba ró ne'e hodi tama mai, ne'e la’e, nem se Governu ida ne'e, señor Primeiru Ministru deskulpa mais, ne'e la'ós ita-boot ninia governasaun, ne'e mak ró ne'e mai", dehan nia iha plenária Parlamentu Nasiona, sesta (10/12).

Tanba Ró Berlin Ramelau ne'e uluk hetan asina husi  eis Ministru Prezidénsia Konsellu Ministru partidu CNRT, Agio Perreira ho Governu Alemaña, hodi ró ne'e agora atraka ona iha portu Dili.

"Ne'ebé señora deputada Olinda, ita-boot hanesan fahi tama plaza, ha'u hatete hanesan ne'e, tanba saida mak koa'lia tiha buat seluk ida, nia halai fali buat seluk ida", relata deputadu ne'e ho emosaun.

Tan ne'e, ró ida agora tama mai ne'e laiha relasaun ho Ministériu Transporte Komunikasaun (MTK) ninian, “imi mak hasai osam husi imi-nia bolsu hodi halo ró ne'e mak ohin loron ró ne'e tama mai, ne'ebé Olinda (ita) ko'alia ne'e sente-an oituan”.

Hanesan mós Ró Transit II ne’ebé mosu problem . "Ró transip II ne'e sorti ha'u ko'alia semana-semana, ne'e mak Komisaun Ante Korrupsaun (KAK) foti problema ne'e, ró ne'e fulan 2 hodi para, selae ró ne'e husik sei iha hela Timor".

Antes ne'e, deputada Kmanek Haburas Unidade Nasional Timor Oan (KHUNTO), Olinda Guterres halo pontu orden iha debate orsamentu Jerál Estadu 2022 iha faze espesialidade hodi fó parabéns ba Ministru Transporte Komunikasaun, José Agostino da Silva, tanba Ró Berlin Ramelau mai ona iha Timor.

"Ha'u halo pontu orden ne'e atu fó parabéns ba Ministru transporte komunikasaun, katak iha momentu ne'eba han malu ho ha'u iha ne'e, dehan katak ha'u tama Korrupsaun, maibé oras ne'e dadauk ró sadere tiha ona mai ita-nia rai Timor-Leste", dehan nia.

Nune'e deputada Olinda husu see bele husu ba Ministru Transporte Komunikasaun atu uza uluk ró ne'e hodi la'o ba Oekussi no Ataúru. (*)

Rate this item
(1 Vote)
Last modified on Friday, 10 December 2021 15:55
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter