"Ita-nia parseiru dezenvolvimentu nian oioin no organizasaun internasionál sira, liuliu Organizasaun Mundiál Saúde (OMS) no UNICEF, mós la konkorda ho apelu sira atu hamamar medida sira kona-ba prevensaun no kontrolu pandemia ne’e nian iha ita-nia territóriu nasionál”, dehan PM Taur iha Parlamentu Nasionál, sesta (28/05)

Tanba parseiru dezenvolvimentu no organizasaun internasionál sira defende nafatin manutensaun ba medida sira prevensaun, mitigasaun no kombate pandemia nian ne’ebé implementa.

Iha ne’e, organizasaun internasionál sira defende mós manutensaun ba impozisaun serka sanitária no konfinamentu jerál ba populasaun.

Bainhira hahú adota sempre hetan apoiu tékniku no halo tuir progresivu agravamentu situasaun epidemiolójika.

"Ohin, la hanesan uluk, hanesan komunidade nasionál, ita tenke halo tuir no promove nafatin abitu no komportamentu di’ak sira ba prevensaun risku infesaun”, afirma Taur.

Maibé husu nafatin ba sidadaun hotu atu halo tuir regra prevensaun hodi uza máskara, fase liman beibeik ho sabaun, distansiamentu sosiál, hela iha uma, evita halo dezlokasaun ne’ebé la importante no labele halibur malu. (*)