Login to your account

Username *
Password *
Remember Me

Tempotimor (Dili)-Kompañia Biocentis hosi Imperial College United Kingdom, sei haruka médiku espesialista na’in-3 atu apoiu Ministériu Saúde (MS) hodi kombate moras dengue iha Timor-Leste.

Tempotimor (Dili)-Banco Nacional do Comérçio de Timor-Leste (BNCTL) hahú transfere ona saláriu fulan-Augustu nia ba konta bankária funsionáriu públiku sira.

Tempotimor (Dili)-Prezidente Repúblika (PR), Francisco Guterres 'Lú Olo', husu governu atu kontinua fó atensaun hodi kontrola sidadaun  atubele kumpri nafatin regra husi Organizasaun Mundiál Saúde (OMS) ba prevensaun moras Covid-19.

Primeiru Ministru (PM), Taur Matan Ruak informa, enkontru semanál ho Prezidente Repúblika ko'alia asuntu evolusaun situasaun Covid-19 iha Timor-Leste nomós prosesu vasinasaun ne'ebé la'o hela.

“Prezidente Repúblika husu atu governu kontinua fó atensaun nafatin ba ita-nia sidadaun sira, atu prevenidu tuir regra sanitáriu sira ne'ebé Organizasaun Saúde Mundiál (OMS) no ita-nia Ministériu Saúde (MS) fó, atu ita kontinua hases-an husi moras ne'e”, dehan PM Taur hafoin sorumutu ho Prezidente Repúblika iha palásiu prezidensiál Bairopite, kinta (22/07).

Tanba ne’e, Governu preokupa liu tanba evolusaun variante foun Corona-Delta iha nasaun viziñu sira iha Indonézia liliu iha Kupang, Atambu alende mós Austrália.

Ho ida ne’e, labele falta ba vasina, tanba ne'e dalan úniku, atubele proteje-an husi  ema idaidak.

“Ita-nia vasina la'o di’ak kuaze to'o agora, ita simu vasina hamutuk rihun-atushaat-neennolu-resin ita uza tiha ona rihun-atustolu (300.000) resin, espera katak iha tempu badak ne'e bele uza hotu”, dehan nia.

Alende ne'e governu mós kontinua fó vasina nafatin ba sidadaun sira, nune'e Ministériu Saúde ho Komisaun Interministerál sei haree fó prióridade liliu ba munisípiu Dili, Bobonaru, Covalima, Oekussi nomós sira ne'ebé iha fronteira atu proteje uluk.

Entretantu Prezidente Repúblika husu ba Primeiru Ministru atu tau matan ba fronteira daudaun ne'e, governu taka ona fronteira no  sasán de'it mak bele mai iha rai laran. (*)

 

Tempotimor (Dili)-Governu hamutuk ho Organizasaun Mundiál Saúde (OMS) iha Timor-Leste sensibiliza Vasinasaun ba komunidade sira hodi kombate informasaun falsu (hoax) ne’ebé espalla iha mídia sosiál.

Tempotimor (Díli)-Parseiru Dezenvolvimentu Internasionál kontinua apoiu merenda eskola Iha Timor-Leste (TL), tanba hadi’a di’ak liután estudante sira.

Tempotimor (Dili)-Diresaun Nasionál Sentru Formasaun Tékniku iha Komunikasaun (CEFTEC) reativa ona formasaun ba formandu hamutuk 220 ba unidade neen (6).

Tempotimor (Dili)-Ministériu Saúde (MS) hamutuk ho Organizasaun Mundiál Saúde (OMS) iha Timor-Leste fó apoiu hodi hala'o formasaun ba pesoál inspesaun sanitária atu sensibiliza informasaun Covid-19 ba komunidade.

Tempotimor (Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo hatete, pozisaun governu la disponivel atubele fó esplika preokupasaun deputadu kona-ba implementasaun vasinasaun AstraZeneca, maibé governu hein pedidu husi Parlamentu Nasionál (PN).

Tempotimor (Dili)-Ministra Saúde (MS), Odete Maria Freitas Belo, konsidera laiha problema ba vasina AstraZeneca, tanba Organizasaun Mundiál Saúde (OMS) la ko'alia risku kona-ba vasina refere, maibé fó sai ninia impaktu pozitivu ne’ebé hasa’e imunidade sidadaun.

Tempotimor (Dili)-Governu liuhusi Ministériu Saúde (MS) sei buka maneira atubele hamenus númeru fumadór iha Timor-Leste (TL).

Tanba ne’e, MS realiza Workshop ho Thema "Hapara Fuma Hodi Redúz Tabaku Iha Timor-Leste no Prevene Moras Krónika La Hada'et”, hodi komemora loron mundiál tabaku ne'ebé monu iha loron 31 fulan-maiu.

Workshop ne'e, Vise Ministru Saúde (MS),  Bonifáçio ‘Maukoli’ dos Reis hatete, Organizasaun Mundial Saúde (OMS) nafatin fó apoiu ba MS hodi prepara kondisaun ba fumadó sira atu para.

"Sim, OMS protidaun nafatin ho Ministériu Saúde (MS) liliu apoiu MS atu haree iha ne'ebá, hodi estabelese Sentru Para Fuma atu ajuda ema sira ne'ebé hakarak fila karik ita bele fornese tulun ba sira oinsá atu hapara fuma”, dehan Bonifáçio iha abertura Workhsop ba komemora loron mundial Tabaku iha Otél Novu Turízmu, kuarta (02/06).

Iha mós pontu ida bolu liña komunikasaun, atubele halo konsellamentu ba parte sita halo kooperasaun ho MS, Ministériu Finansas, Ministériu Komérsiu hodi hasa'e taxa tabaku nian.

Aliende ne’e, MS halo monitorizasaun ba liña implementasaun ba kontrolu tabaku iha Timor-Leste.

Entretantu, Diretór Jerál Prestasaun Saúde, Odete da Silva Viegas esplika, dadaun ne’e prepara ona sentru hapara fuma tabaku iha sentru Saúde balun iha Kapitál Díli atinje ona pursentu 70 no hein nia implementasaun.

"MS atu kria sentru hapara fuma ne'e liuhusi prosesu infrastrutura ita kuaze atinje ona pursentu 70 ita halo iha Sentru Saúde Formoza e ita mós hanoin atu expande ba sentru Saúde Komoro no iha futuru ita mós expande ba Munisípiu sira”, dehan nia. (*)

Page 1 of 2
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter