Iha selebrasaun aniversáriu Partidu CNRT iha loron 26 fulan-abril tinan 2021 ba dala 14, iha problema boot rua hanesan pandemia Covid-19 no problema violasaun konstituisaun.

“Problema ita-nia uma laran Timor-Leste, ne’ebé ita tuir konstituisaun hanorin ba ita katak ita tenke haree nafatin dalan legal no konstituisional. Iha problema politiku, problema violasaun konstituisaun, violasaun regra, violasaun lei, ida ne'e mak problema boot ba ita nu’udar partidu”, dehan Xanana iha Sede CNRT, Bairo dos Grilhos, segunda (26/04).

Partidu CNRT la'ós partidu ida ne’ebé hakarak halo violénsia ka hakarak halo buat oioin, tanba Timor-Leste sai husi estadu frazil, hanesan ezemplu ida ba nasaun sira iha G7+, maibé Timor-Leste hakiduk fali, no agora hatudu katak estadu sei frazil.

Líder partidu CNRT ne'ebe ninia partidu rasik sai opozisaun hafoin iha inisiu 2020 hamonu sira nia gpvernu nia OJE ne'e mós deklara, iha funu partidu durante tinan 3 ho balun, konsege aguenta to'o hakiduk boot teb-tebes, maibé sei bele hasoru.

"Tanba ne’e partidu CNRT lori CNRT ida uluk ninia esperitu, determinasaun, esperiensia, lori nu’udar forsa politika, forsa moral atu hasoru laloran boot ne’ebé, mai hakarak haksobu, ita-nia konstituisaun, no haksobu sistema sira ne’ebé ita tau hela, para hodi regula estadu diretu demokratiku ne'e," afirma Xanana. (*)