Xanana Husu Kuadru CNRT Aproveita Covid-19 Halo Reflesaun

Prezidente CNRT, Kay Rala Xanana Gusmao (Karuk) hamutuk ho Sekretariu Jeral partidu CNRT, Francisco Kalbuadi Lai (Liman Los) wainhira hasoru malu ho eis Embaixador japaun ba Timor Leste iha tempu ruma liu ba Prezidente CNRT, Kay Rala Xanana Gusmao (Karuk) hamutuk ho Sekretariu Jeral partidu CNRT, Francisco Kalbuadi Lai (Liman Los) wainhira hasoru malu ho eis Embaixador japaun ba Timor Leste iha tempu ruma liu ba Foto Arkivu

Tempotimor (Dili)-Prezidente Partidu Kongresso Nacional de Reconstrusaun Timorense (CNRT Sigla Portuges), Kay Rala Xanana Gusmão, apella ba kuadru no militante partidu atu aproveita pandemia Covid-19 halo reflesaun hodi hein konferénsia.

Partidu CNRT ne’ebé halo ninia aniversáriu iha loron 26 fulan-abril tinan 2021, maibé pandemia halo mak lakonsege selebra, nu’udar partidu tenke fó ezemplu, di’ak kona-ba regra hasoru covid-19.

"Tanba ita labele festeza ita-nia tinan 14 ninian, ha’u husu ba kuadru, militante, no simpatizante tomak, atu aproveita tempu ida ne'e, hodi halo reflesaun boot", afirma Xanana iha Sede CNRT, Bairo dos Grilhos, segunda (26/04).

Xanana dehan, bainhira CNRT halo reflesaun didi’ak, to'o tempu ne’ebé halo konferénsia sei hasai lisaun kona-ba saida mak di’ak no la dun di’ak, bele hasai mós konkluzaun kona-ba saída mak akontese iha estadu direitu demokrátiku nia laran.

“Ho situasaun covid ita hotu tenke hakas-an, tau iha ita-nia fuan, iha ita-nia ho ita-nia kakutak, katak tempu sei mai, mudansa tenke halo duni, tanba saida nu’udar prezidente partidu CNRT ninia, ha’u bele dehan katak, triste oituan, mak ita sai tiha husi situasaun frazil filafali ona ba estadu frazil”, deklara nia.

Tanba, hahú husi fulan-dezembru tinan kotuk CNRT la konsege hala'o atividade reestruturasaun husi suku to'o Munisípiu, maibé tenke ho esperansa nafatin.

“Ita labele lakon esperansa, povu la lakon, esperansa ba saida mak esperansa ba mudansa, tanba estadu ida ne'e tuir konstituisaun RDTL, ejize ba ita atu halo mudansa ba konportamentu politiku, mudansa ba hahalok ne’ebé viola konstituisaun”, dehan Xanana.

Maske, CNRT partidu kiik ida, partidu foun ida, ema hotu hatene foin tinan 14, la halo buat ida ba nasaun rai ne’ebé hothotu rekoñese.

"Tanba ida ne'e mak ita hotu tenke esforsu-an nafatin, prepara-an atu halo buat ruma ba ita-nia rain, hahú husi respeita kumpri, konstituisaun, e depois hametin sistema ne’ebé kuida internasional mós apresia, maluk sira husi G7+ mós kontente hodi hatene oinsá”, afirma nia (*)

Rate this item
(1 Vote)
Last modified on Tuesday, 27 April 2021 00:34
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter