Situasaun aimoruk stok out la’ós foin akontese no bainhira pandemia Covid-19 akontese difikulta liután prosesu kompra aimoruk tanba nasaun barak aplika lockdown.
"Sim stok out ne'e laos foin, stok out ne'e komesa Covid ne'e seidauk iha ita enfrenta nafatin aimoruk stok out, maibé iha tempu ida ita reduz stok out ne'e e agora dadaun ho situasaun covid-19 ne'ebé mak lockdown iha fatin hotuhotu ne'e la’ós fasil atubele lori aimoruk mai iha ita-nia rai-laran”, dehan Odete iha Parlamentu Nasional (PN), sesta (23/04).
Tanba, SAMES nia serbisu mak atu lori aimoruk mai rai-laran, bainhira mosu stok out entaun ba sosa liuhusi prosesu aprovisionamentu hanesan baibain.
Iha mós orsamentu ne'ebé aloka atu halo kompras emerjénsia bainhira kuandu ospital no sentru saúde sira presiza medikamentu no aimoruk.
"Ita iha millaun US$7 ne'ebé mak aloka iha SAMES para kompras aimoruk”, dehan Odete.
Antes ne'e Diretór Klinika Bairopite, Inácio dos Santos ba www.tempotimor.com hatete Klinika Bairu-pite rasik dadaun ne'e menus 30 resin Item hanesan ekipamentu teste dengue inklui aimoruk antibiótik sira.(*)