PTR ko’alia kestaun ne’e ligadu ezekusaun 2019 ne’ebé ministériu balun foti fali fundu kontinjénsia selu fali saláriu ba funsionáriu públiku sira.

“Tuir lei, tribunál fó apresiasaun ba Konta Jeral Estadu ne'ebe submete husi governu liuhusi kámara Konta. Agora ba sansaun ne'e laiha tanba ne'e la'os auditoria,” dehan nia iha parlamentu nasional, kuarta (4/3).

Nia haktuir kuandu koalia kona-ba sansaun ne'e tribunál tenke halo auditoria própria ne'ebé ke haree ba kestaun no matéria ruma, depois iha relatróiu finál auditoria ne'e mak foin halo rekomendasaun ba entidade ne'ebé mak Kámara kontas halo auditoria ba ne'e.

Nia argumenta, se konsekuénsia ba sansaun mosu ona, ne'e hatudu katak iha infransaun finanseira ne'ebe akontese.(*)