Peskiza ne’e halo atu buka hatene oinsa adolesente no foinsa’e sira senti pandemia Covid-19 ne'ebé muda duni ona sira-nia moris, no sujestaun saida mak ba sira-nia futuru.
Nune'e peskiza online ne'e, konsege hetan ona resposta husi respondente hamutuk na'in 400.
Respondente ba peskiza sira, espresa katak, Covid-19 halo mudansa tebes ba sira nia moris kompara ho tempu liu-ba ne'ebé moras Covid-19 rasik sidauk iha.
Iha mudansa, tanba asesu ba edukasaun menus, atividade fase liman no limpeza barak liu tan, menus interasaun sosial, rendimentu menus, no pasa tempu ho família, kolega aumenta barak.
Durante kriji Covid-19, labarik husi tinan 18 mai kraik hala'o serbísu hanesan, hamos uma, hili ai, kuru bee, fa'an sasán, no ajuda halo to'os aumentau barak.
Reprezenta UNICEF Timor-Leste Scott Whoolery dehan, labarik ida-idak iha direitu atu espresa livremente vizaun no hola parte iha prosesu foti desizaun ba situasaun ne'ebé afeta sira-nia moris.
"Respondente, barak Iiu selesionadu husi (kuran asesu ba edukasaun) nu'udár mudansa boot ba sira-nia moris, tanba pandemia Covid-19, tuir kedas ho fase liman ho limpeza, interasaun sosiál oituan, (rendimentu kuran), no iha tempu barak ho familia no amigu sira, hanesan mudansa seluk ba sira-nia moris", Dehan Nia iha Xanana Reading Room, lesidere, kinta (04/03/21).
Respondente ba peskiza refere, mai husi Munisípiu 13, no husi peskiza ne'e, feto ho pursentu 7 mak ema ne'ebé moris difisiente.
Iha peskiza ne'e, respondente estudante hamutuk pursentu 85, sira barak Iiu mai husi universidade no eskola sekundaria, no pursentu 39 mak difisiI atu asesu fali ba eskola.
Nune'e mós, Diretora Jerál Komisaun Direitu Labarik, Teresa Maria Freitas hateten, objetivu sorumutu ohin ne'e, atu rona no hatene didi'ak oinsan papel joventude nian iha direitu ba partisipasaun ideias ruma liga ho prevensaun Covid-19.
"Segundu mós ita hakarak rona asegura joventude sira liu-liu alin sira difisiente, oinsa bele inkopora iha prosesu korespondente ninian liga ba survey ne'ebé maka husi liñas ministerias sira halo ba surtu Covid ninian",dehan nia
Peskiza ne’e hala'o iha Fulan Outubru ho Novembru tinan 2020, no la bazeia ba amostra reprezentativu sira, tanba ne’e Ia bele jeneraliza ba populasaun hotu iha Timor-Leste ba adolesente no foinsa’e sira. (*)
