ADB Apoiu Tokon 1 Ba MS Hodi Funu Kontra Covid-19

Ekipamentus Ne'ebé Apoiu Husi Banku Dezenvolvimentu Asia Ba Ministeru Saúde iha Hospital Lahane. tersa(2/3) Ekipamentus Ne'ebé Apoiu Husi Banku Dezenvolvimentu Asia Ba Ministeru Saúde iha Hospital Lahane. tersa(2/3) Foto Tempo Timor

Tempotimor (Dili)- Banku Dezenvolvimentu Ázia (ADB), liu-husi Dezenvolvimentu Fundu Nasoins Unidas ba Labarik (UNICEF) apoiu orsamentu 1 milloens hodi sosa ekipamentus ba antisipa kazu Covid-19 nian, bainhira grave.

Vise Koordenador Forsa-Tarefa Prevensaun Surtu Covid-19, Odete da Silva Veigas hateten, ekipamentus ne'e utiliza bainhira mosu kazu grave.

Apoiu ne'e la'ós osan de'it, maibé inklui mós kama ba pasiente hamutuk 100, ne'ebé 25 sei ba tau iha ospitál Lahane ne'ebé dadaun prepara ba izolamentu bainhira kazu grave, no 75 kama hamutuk ho ventilador 4 sei taun iha izolamentu tasi tolu.

"Mediku ne'ebé ita presisa iha kazu grave, la'ós ida ne'e de'it maibé sira mós apoiu 100 kama, 25 ita tau iha lahane no 75 tau iha tasi tolu no mos ventilador 4", dehan Odete iha Ospital António Carvalho Lahene, Tersa (2/3).

Ekipamentu ne'e ajuda tebes atu halo tratamentu ba ema hotu ne'ebé hetan moras Covid-19 no mós ba ema sira hotu iha Timor-Leste mak presiza asesu ba sentru kuidadu saúde sira.

"Kama ba Ospitál ba Unidade Kuidadu Intensivu (ICU) kama sira seluk ba Ospital, Ventilador ICU, Oximetru ba Pulsu, Lampada Ultravileta ba sala esterilizasaun, Termometrus, Infravermellu, Laringosokopiu ba Adultu no Labarik sira no Luz ba izaminasaun", informa Nia

Izolamentu dadaun iha Sentru Vera Cruz ne'e utiliza ba kazu moderadu, kazu level tau iha tasi tolu, no kazu grave mak iha ospitál Lahane.

"Pelemenus suporta ne'ebé mai ona hahu ho ida ne'e ona, husi governu nia ne'ebé mak mai iha dalan mai bele kompleta deit ona", tenik nia

Nune'e mós, Diretur Banku Dezenvolvimemtu Azia (ADB), Sunil Mitra hateten, apoiu ne'e sei garante ba Timor-Leste atu prepara an diak hodi fronese servisu saúde nesesaria ba sira ne'ebé hetan moras Covid-19.

"Finaseiru ne'ebé fó ba UNICEF hodi hola ba material Médikal atu apoiu ba Ministeriu Saúde ne'e hamutuk 1 milloens", dehan Mitra

Reprezentannte UNICEF Timor-Leste Scott Whoolery mós kontente tebes hodi fó apoiu material ba Ministeru Saúde hodi hatan ba pandemia Covid-19 no mós hodi garante servisu saúde tuir ema nia nesesidade.

"Saida mak ami bele halo iha tempu inserteza ne'e hodi garante labarik sira no sira nia familia sira bele iha asesu ba kulidade saúde, tuir loloos ami nia dezempeñu, ita hotu hamutuk no ita hamutuk ba ida ne'e", Nia dehan. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter