Deputadu Luis Roberto: “COVID-19 Bele La Oho Ema, Hamlaha Bele Oho Ema”

Deputadu husi Partidu Kmanek Haburas Unidade Nasional Timoroan (KHUNTO), Luis Roberto iha plenaria PN durante debate estensaun Estadu Emerjensia ba dala 11 iha Uma Fukun, Segunda (1/3) Deputadu husi Partidu Kmanek Haburas Unidade Nasional Timoroan (KHUNTO), Luis Roberto iha plenaria PN durante debate estensaun Estadu Emerjensia ba dala 11 iha Uma Fukun, Segunda (1/3) Foto Tempo Timor

Tempotimor (Dili)- Deputadu husi Partidu Kmanek Haburas Unidade Nasional Timoroan (KHUNTO), Luis Roberto hateten propagasaun surtu COVID-19 bele la oho ema maibé hamlaha bele oho ema bainhira governu la distribui ai-haan bázika ba iha komunidade munisípiu Covalima ho Bobonaro.

Nia dehan, tuir loloos governu tenke responde uluk ba nesesidade povu sira nian, liuliu iha munisípiu Covalima no Bobonaro, oinsá mak bele apoia ai-haan bázika ba ba komunidade hodi bele rekupera sira-nia ekonómia durante serka sanitária ka lockdown.

“Tanba kuandu komunidade iha uma-laran, sai varanda depois tama fali ba uma laran, povu moris ho kondisaun ida hanesan ne'e, Covid-19 bele la oho ema, hamlaha bele oho ema", dehan Luis Roberto da Silva, ko’alia iha Parlamentu Nasionál, segunda (01/03).

Deputadu Luis dehan, hateten surtu COVI-19 buat ida invizível, tanba laharee ba sé de’it, tanba ne’e governu tenke halo intervensaun ho rápida.

"Sira haree tiha ona, ha'u dehan, mai ne'e sei iha nakukun laran, ita lahatene. Mais kuandu kona-ba la haan no la hemu loron rua, ita sei mate. Ida-ne'e mak husu ba governu kuandu atu kria kondisaun ida estadu emerjénsia, lockdown totál ba munisipiu rua, primeiru ita tenke responde ba nesesidade loron-loron povu nian", hateten nia.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter