Nia hateten, dalabarak ona nia parte hato'o ba governu atu lalais tau atensaun ba estudante sira tanba presiza estadu nia tulun.
“Hanesan deputadu dalabarak no dalawain tebes ami hato'o iha plenária, ami ezije ba governu atu lalais tau matan ba ita-nia oan sira-ne’ebé eskola iha Israel nune'e bele fila-fali mai ne'e presiza tebes governu nia tulun,” Deputadu António Verdiál ba jornalista sira iha Parlamentu Nasionál, segunda (01/03).
Nia haktuir, dalabarak ona deputadu sira hato'o beibeik ona ba parte kompetente maibé ne'e kompeténsia governu onia oinsá atu lori fila estudante sira.
Tuir imformasaun katak estudante hirak ne'e hala'o estudu iha Israel liuhusi Ministériu Agrikultura no Peska (MAP) iha tinan 2019 ho totál estudante hamutuk na’in-72.(*)