Tuir xefe governu, Covid-19 sai preokupasaun boot ba Timor-Leste inklui mundu tomak maka Organizasaun Mundiál Saúde (OMS) hanoin atu halo vasinasaun, maibé vasinasaun ne’e hamosu mós dúvida, tanba iha España ema balun de’it mak hetan vasinasaun, mais balun la hetan, depois iha Portugál ema ne’ebé liu ona tinan 65, labele simu vasina nomós iha Afrika do Sul suspende tiha.
"Vasina ida ne’e halo ita dúvida, entaun horseik iha Konsellu Ministru (KM) ami seidauk deside, entaun ha'u husu para kontinua rekolla informasaun OMS no aban ha'u husu enkontru ida ho OMS para sira garante ba ita katak vasina ida ne'e di’ak," dehan Taur iha Palásiu Prezidensiál Bairu-Pite, Kinta (11/2).
Eis jenerál fitun rua ne’e afirma, Ministeru Saúde mós hatete vasina ne'e iha funsaun importante tolu hanesan evita ema hetan moras grave, evita ema mate no evita ema labele ba Ospitál.
"Funsaun importante tolu ne’e di’ak, maibé ita hakarak serteza, molok ita halo katak vasina ArstraZeneca’s ne'e di'ak, tamba nia iha efisiénsia no efikásia ne'e iha," dehan Taur.
Xefe governu ne’e akresenta, aspetu ne'ebé governu prepara ba senáriu pior ne'e mak avansa ba hetan vasinasaun, maibé situasaun vasina ne'ebé OMS hanoin di'ak ba Timor maka ArstraZeneca’s, maibe ArstraZeneca ne’e iha formasaun barak mak pertuba halo sira la hakmatek.(*)
