Login to your account

Username *
Password *
Remember Me

Governu 'Haluha Orsamenta', FRETILIN Apoia Polítika Ko'a Osan Kada Ministériu Selu Cesta Bázika

Tempotimor (Dili)- Deputada Bankada FRETILIN, Deputada Maria Angélica Rangel apoia polítika Governu nian ne’ebé deside ko'a 7% kada ministériu hodi selu pakote rekuperasaun ekonómika iha ámbitu implementasaun programa cesta bázika.

Governu ne'ebe halo orsamentu na baze de programa ne'e haluha hatama item cesta bazika iha OJE 2021 nune'e iha loron 29 janeiru 2021, Konsellu Ministru aprova deliberasaun ida bazeia ba proposta ne'ebé aprezenta husi Ministru Koordenadór Asuntu Ekonómiku, Joaquim Amaral no Ministru Finansa, Rui Augusto Gomes, kona-ba orientasaun polítika sira relasiona ho ezekusaun programa cesta bázika.

Ba asuntu ne’e, Deputada Maria Angélica Rangel, hatete mesmu nia seidauk rona deklarasaun direita husi governu maibé nia apoia ko'a orsamentu kada ministériu tanba lei fó dalan.

Tanba, tuir nia ida-ne'e laiha kestaun no la viola lei.

"Notísia ne'e ha'u haree de'it iha Facebook, ha'u mós seidauk informadu husi Ministériu Finansa, ha'u hanoin sirkulár ne'e mai husi Ministériu Finansa no ami-nia kompeténsia la hanesan, maibé liga ba kestoens ne'e ha'u hanoin lei mós fó dalan," dehan nia iha Parlamentu Nasionál kinta (11/2).

Nia hatutan, lei orsamentu jeral estadu 2021 nian, iha artigu ida-ne'ebé ke sita kona-bá halo alterasaun ba orsamentu jeral estadu tanba ne'e liha problema wainhira governu altera orsamentu.

Iha fatin hanesam deputada bankada CNRT, Deputada Maria Fernanda Lay, la konkorda atu ko'a osan ba haforsa programa sesta bázika.

Nia ko'alia ne'e tanba nia haree katak, foin daudaun Parlamentu Nasionál aprova tán orsamentu tokon $.113 ba sustenta programa cesta bázika, ne'e duni governu iha hela osan, la'os laiha osan.

Entertantu, kompañia ne'ebé durante ne'e distribui ai-haan cesta bázika ba populasaun iha territóriu hamutuk 173. (*)

Rate this item
(0 votes)
Last modified on Thursday, 11 February 2021 16:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2024 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter