Ministru Admistrasaun Estatal, Miguel Pereira de Carvalho akresenta dadaun ne'e halo ona identifikasaun ema benefisiáriu sira husi suku no tuir planu sei remata iha fulan marsu.

Molok hahú konstrusaun uma kbiit laek iha Suku sia (9) no kada suku sei kontrui uma tolu.

"Implementasaun hahú ona, agora iha faze indentifikasaun, se mak sai benefisiáriu, kestaun mak ne'e ema Timor ne'e barak, dadus estatístika hatete dehan uma aat iha Timor ne'e mais 2.000, agora Tinan ne'e ita atu halo de'it 1.272 uma," dehan Miguel iha Palásiu Governu Dili, kuarta (13/01).

Miguel hatete total orsamentu ba konstrusaun uma kbi'it laek hamutuk millaun $25 mai ho kedas nia modelu inklui medida uma nian hanesan 38 metru kuadradu.

Nune'e mós kuartu toba-fatin rua, 42 m² ba kuartu toba haat, ne'ebé mak fasilita dapur no hariis-fatin iha li'ur.

Nia esplika, materiál konstrusaun uza batako no la uza keramik.

"Depende ba benefisiáriu, ne'ebé iha família boot hetan 42m² no ida família kiik hetan 38 m²," dehan Miguel.

Enkuantu kritéria ba benefisiáriu mak hanesan ema ne'ebé vulnerável, kategoria ki'ak duni, kondisaun uma ne'ebé aat, iha rai rasik.(*)