José akresenta, hafoin remata ense mina antes atu aranka roda husi aviaun refere kuak derrepenti nune'e tékniku sira kontinua halo manutensaun antes aranka ba Brisbane, Austrália.
"Horisehik sira lending iha-ne'ebá halo atetamentu kombustível no aranka akontese roda haat aviaun nian nakfera," dehan José iha Palásiu Governu Dili, kuarta (13/01).
Governante ne'e hateten, daudaun ne'e aviaun refere sei nafatin iha aeroportu hodi halo manutensaun.
Tuir nia, importante mak Timor-Leste hanesan nasaun nafatin hatudu ajuda umanitária bainhira mosu situasaun sira hanesan aviaun refere.
"Ita-nia atendimentu tenke dignu nafatin, ne'e asisténsia umanitária, ohin Ministra Saúde ami koordena oinsá mak fó asisténsia lalais, para bele transporta pasiente refere ba ninia fatin destinasaun Brisbane, Austrália," dehan José.
Aviaun ne’e rasik tula hela pasajeiru ida ne’ebé ho kondisaun moras nune'e médiku inklui ekipa jestaun krize dajdaun ne'e iha aeroporto tau atensaun no monitoriza ba pasiente refere.
Antes ne'e Aviaun ho marka VH-ILJ rute Jakarta atu ba Brisbane-Austrália iha Tersa loron 12 janeiru, roda kuak iha Aeroportu internasionál Prezidente Nicolau Lobato hafoin enxe mina no la konsege semo hikas ba Austrália.
Tuir informasaun husi autoridade iha Aeroportu Prezidente Nicolau Lobato Komoro, Dili Informa katak, "Aviaun husi Australia nian ida ho marka VH-IJL husi Indonezia tula pilotu na'in rua, pasiente Covid 19 ida no Mediku ida to'o iha aeroportu Komoro iha oras 16:30."(*)