Jornalista Nuno Saldanha deklara, governu liu husi Ministériu Asuntu Parlamentár no Komunikasaun Sosiál presiza hare kestaun estrutura RTTL. EP nian, tanba konsidera durante ne'e hala'o diskriminasun inklui la halo survei ba instituisaun.
Nuno Saldanha ko’alia ne'e tanba nia nota katak, RTTL.EP nia servisu durante ne'e la hatuur hanesan média nasionál estatál ida iha Timor-Leste.
Tanba ne'e nia kompara, RTTL.EP hanesan karreta ida karik, ema ida lori karreta ne'e tenke iha kapasidade diak, nune'e bele atinji instituisaun sai hanesan média nasionál loloos.
"Karreta ne'ebé agora ami sa'e hamutuk ne’e, Ami lakohi hamutuk ho karreta ne'e, no ha’u sujere kondutór ida lori karreta ne'e tenki diak," Nuno Saldanha hateten lis hirak ne’e hafoin partisipa ekontru ho Ministru Asuntu Parlamentár no Komunikasun Sosiál Francisco Jerónimo iha Salaun Ministériu Transporte no Komunikasaun, Caicoli (8/12).
Iha fatin hanesan Jornalista Aveiro Ximenes hateten, nia parte akompaña hela, durante ne'e servisu sira iha RTTL.EP kahur barakl liu ho asuntu no interese partidu politiku nian, tanba ne'e husu ba ezekutivu ne’ebé instituisaun ne’e tetela ba presiza toma atensaun sériu. (*)