Kona-ba termu husi kontratu ne'e MAPKOMS esplika, presiza defini loloos ema nia servisu iha kontratu, atu nune'e fásil atu identifika sira nia dezempeña servisu.

Francisco Jerónimo fó atensaun katak, kontratu ne'e tenke ho nia termu ka job eskription klaru, ema ne'e servisu iha área saida, tenke defini iha kontratu.

Nia fó ezemplu katak, se ema ne’e servisu iha parte administrasaun, entaun tenke hakerek administrasaun, se kontratu ba servisu jornalista nian, tenke sita loloos ne'e ba jornalista saida, news ou kamera man nian.

"Ha’u hateten ona ba Prezidenti RTTL, EP, ho ninia administrasun sira hotu, primeiru estabelese uluk kontratu ho ninia termu referénsia, job description, ne'e tenke klaru," MAPKOMS hateten lia hirak ne’e hafoin hala'o enkontru ho Prezidente RTTL ho estrutura tomak iha salaun Ministériu Transporte no Komunikasaun (MTK) Kaicoli, (8/12).

Nia haktuir, bainhira kria kontratu hanesan ne'e, maka hafoin bele halo avaliasaun ba dezempeña ninia ne'e, rezultadu iha ka la'e, liu-liu bele mós evita desizaun sira ne'ebé mai husi parte administrasaun nian.

Ho orientasun ne'e, Ministru Jeronimo fiar katak, iha tinan 2021 funsionáriu sira sei asina kontratu tuir termu idaidak nian. (*)