'Rai-Loos' Konsidera MAE laiha Kapasidade Organiza Eventu Nasionál

Prezidente da republika, Dr. Francisco Guterres Lu Olo ho Primeiru Ministru VIII Governu Konstitusional, Taur Matan Ruak komprimenta Veteranus sira ne'ebe estadu Timor Leste kondekora durante seremonia aniversariu Independensia ba dala 45 iha Likisa, Sabado (28/11) Prezidente da republika, Dr. Francisco Guterres Lu Olo ho Primeiru Ministru VIII Governu Konstitusional, Taur Matan Ruak komprimenta Veteranus sira ne'ebe estadu Timor Leste kondekora durante seremonia aniversariu Independensia ba dala 45 iha Likisa, Sabado (28/11) Foto Midia PM

Tempotimor (Dili)- Prezidente Konsellu Veteranu Likisá Vicenti da Conceição 'Rai-Loos' konsidera Ministru Administrasaun no Estatal (MAE) laiha kapasidade atu organiza eventu nasionál sira.

Konsiderasaun ne’e Rai Loos hato’o tanba tui nia haree katak, durante organiza serimonia komemorasaun loron proklamasaun independensia ba dala-45 iha Likisá, MAE faila atu halo kooperasaun ho populasaun Likisa iha.

"sim, ezatamente ita hare husi aspetu ida ne'e, nia faila organiza eventu ida ne'e, tanba ha’u hare sub komisaun ne'ebé forma husi munisipiu, ha’u hare sira nia movimentu koperasaun ladiak, laiha no lala'ok kuaze komisaun nasional ladun konsidera," 'Rai-Loos' hateten lia hirak ne’e hafoin partisipa selebrasaun loron proklamasaun independensia 28 novembru ba-45 iha Likisa, Sabadu (28/11).

Nia hatutan, durante atividade MAE ladun envolve komunidade lokal, liuliu kona-ba preparasaun, maioria mai husi Dili, to’o kee rai de’it mós ema ne'e mai husi Dili.

"Ezemplu horseik iha loron 26, halo selebrasaun misa solene ida ba loron boot 28 novembru, nia fundamentu kuandu depois ba misa ne'e misa tenke ba mos vizita ida ba jardim dos erois, maibé ida ne'e la akontese," Rai Loos kestiona.

Ho preokupasaun hirak ne'e, nia husu ba Primeiru Ministru (PM) Taur Matan Ruak bainhira indika ema lidera eventu bo-bot sira hanesan ne'e, tenke hare ema ne'ebé iha kualidade no kapasidade.

"Hau rekomenda ba xefi governu atu indika ministru hodi lidera eventu ruma, nia tenke iha kapasidade ne’ebé diak no luan," Rai loos husu. (*)

Publisidade

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks