SEKoop Sai Inspetór ba Serimónia Isar Bandeira iha Ermera

Sekretáriu Estadu Kooperativa (SEKoop) Elizário Ferreira reprezenta estadu entrega bandeira ba ekipa isar Bandeira iha Ermera, Sabado (28/11) Sekretáriu Estadu Kooperativa (SEKoop) Elizário Ferreira reprezenta estadu entrega bandeira ba ekipa isar Bandeira iha Ermera, Sabado (28/11) Foto Midia SEKoop

Tempotimor (Dili) - Sekretáriu Estadu Kooperativa (SEKoop) Elizário Ferreira reprezenta estadu no governu sentrál hodi sai hanesan inspetór ba serimónia isar Bandeira nasionál iha ámbitu komemorasaun loron proklamasaun unilaterál independénsia ba dala-45 iha munisípiu Ermera, Sábadu (28/11).

Komunikadu ne’ebé www.tempotimor .com asesu husi pájina espesiál autoridade munisípiu Ermera hateten, serimónia isar Bandeira nasionál ne’e hahú iha tuku 9:00 Otl.

Maski loron manas no halo ema lubun buka fatin mahon, maibé serimónia isar Bandeira Nasional ne’e la’o ho diak to’o remata.

Iha serimónia espesiál ne’e SEKoop Elizário Ferreira mak lee diskursu Prezidente Repúblika Francisco Guterres Lú Olo ba Komemorasaun Loron Proklamasaun Independensia 28 de Novembru ho tema: “JUNTOS UNIDOS PARA GARANTIR SAÚDE PÚBLICA E A RECOPERAÇÃO DA ECONOMIA NASIONAL”

Sekretáriu Estadu Kooperativas Elizário Ferreira hato’o obrigadu wain ba Komisaun Organizadora, Autoridade Munisipal Ermera, no Entidades hotu ne’ebe partisipa iha komemorasaun loron Proklamasaun Independensia RDTL ba dala 45 iha Kapital Gleno.

Partisipa iha serimónia komemorasaun ne’e mak hanesan autoridade munisipaál Ermera, Funsionáriu, Veteranu sira, Konfisoens Relizioja sira, estudante no komunidade.

Depois de Serimónia iha mós animasaun no atraksaun hanesan Drum Band husi Eskola Sekundária Nino Konis Santana Gleno, dansa husi Eskola CAFÉ Gleno, Dansa husi Estudante UNTL no Seluk tan. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks