MNEK apresia hos diplomata ne'e nia servisu, tanba bele halo esforsu makaas atu haruka tan timor-oan ba serbisu iha Austrália.

"Ita nia embaixadora Timor ba Austrália iha Coimbra konsege halo lobi ba norte territoriu iha Darwin par haruka fali traballador sira ba ne’ebá", Adalgisa informa hafoin reuniaun Konsellu Ministru iha palasiu governu, Kuarta (25/11).

Tanba ne'e, nia dehan, orsida ou aban MNEK sei informa ba Sekretáriu Estadu Formasaun Profisionál no Empregu (SEFOPE) katak, fiksu ona sei haruka timor-oan balun ba serbisu iha Austrália.

Nia dehan, Austrália presiza traballadór timor-oan na'in hira, depende ba negósia ho governu Austrália.

"Seidauk hatene númeru, mais sei iha balun mak ba, purtantu ita ba, sira sei halo kuarentena lai loron 14, depois ba liu serbisu", nia hakotu (*)