Embaixadór Brazil: “Demokrasia sei Lori TL nabilan”

Embaixadór Brazil iha Timor-Leste (TL) Aldemo Garcia despede Prezidente da Repuvlika Dr. Francisco Guterres Lu Olo iha Palasiu Prezdensial, Kuarta (25/11) Embaixadór Brazil iha Timor-Leste (TL) Aldemo Garcia despede Prezidente da Repuvlika Dr. Francisco Guterres Lu Olo iha Palasiu Prezdensial, Kuarta (25/11) Foto Midia PR

Tempotimor (Dili)- Embaixadór Brazil iha Timor-Leste (TL) Aldemo Garcia optimista kona-ba futuru Timor-Leste nian, ne’ebé sei nabilan tebes tanba TL nia demokrásia ida ne'ebé transparánsia.

Embaixadór ne'e mós dehan, la'ós ba demokrásia de'it, maibé TL presiza halo esplorasaun lalais ba petróleu, tanba tempu la'o ba daudaun ona.

"Ha'u mós ko'alia ba Prezidente Repúblika (PR) Francisco Guterres Lú Olo katak, ha'u fila ho konfiansa no optimista boot ba futuru TL, tanba ha'u sente katak TL iha ona dalan ne'ebé di'ak. TL konsege halo ona konsolidasaun ba demokrásia," Embaixadór Aldemo hateten lia hirak ne’e hafoin kumprimenta PR Lú Olo tanba mandatu hotu ona iha TL, Kuarta (25/11).

Nia akresenta, TL halo konsolidasaun ba demokrásia liuhusi eleisaun no transferénsia podér husi polítiku ida ba polítiku seluk, laiha perturbasaun no laiha problema ne’ebé boot.

"Demokrásia liuhusi eleisaun Parlamentár no Prezidensiál ho susesu ne'ebé reforsa liután demokrásia no TL halo eleisaun ne'ebé justu no trasparansia. Ida ne’e koñesidu hanesan nasaun demokrátiku liu iha sudeste aziátiku, depois mós iha transferénsia podér husi grupu polítiku ida ba grupu polítiku seluk ne'ebé ho forma pasífika no maturál, entaun sente Importante tebes," Aldemo dehan.

Embaixadór ne'e mós optimista boot ba futuru TL nian liu-liu petroleu no gas ne'ebé koñesidu ho Greater Sunrise.

"Ha'u-nia observasaun katak, petroleu ne'e, kualker forma ba esplorasaun no lori pipeline mai TL ka transfere ba darwin, ha'u hanoin desizaun saida de'it mak governu TL iha ba esplorasaun GS ne'e tenke feitu no rápidu, labele hein ba tempu naruk," nia sujere.

Embaixadór akresenta, tempu la ba daudaun ona, tanba ne'e TL tenke esplora lalais ho posível rezerva boot petroleu ida ne'e.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks