Login to your account

Username *
Password *
Remember Me

Embaixadora Inês Lori Empreza Thomas Foods Internasional hasoru PM Taur

Embaixadora Timor-Leste iha Austrália, Inês Almeida. Embaixadora Timor-Leste iha Austrália, Inês Almeida. Foto Tempo Timor

Tempotimor (Dili)-Embaixadora Timor-Leste iha Austrália, Inês Almeida lori empreza Thomas Foods Internasional hasoru Primeiru Ministru (PM), Taur Matan Ruak, hodi halo aprezentasaun no kompromete tanba sei rekruta timoroan ba serbisu iha Austrália.

“Sim, ohin ha'u lori empreza ida husi Austrália, Thomas Food International mai hasoru malu ho ita-nia PM, hodi halo aprezentasaun ida ligadu ho sira-nia fábrika, sira-nia empreza foku liu ba prosesa na’an bibi-mala’e no na’an bibi timur, sira nakloke atu investe iha Timor, maibé agora foku liu oinsá lori timoroan ba serbisu iha sira-nia empreza, dadaun ne'e sira presiza liu mak Timoroan na’in-15 atu ba servisu”, dehan Embaixadora Inês, hafoin hasoru malu ho PM Taur, iha Palásiu Governu, kinta (21/07).

Nune'e iha tempu badak empreza Thomas Foods Internasional, sei hahú rekruta timoroan na’in-15 liuhusi selesaun hodi ba servisu iha Austrália.

Traballadór sira la presiza esperiénsia boot tanba molok serbisu sira sei fó uluk formasaun, maske nune’e traballadór sira tenke hatene lian-inglés pelu menus báziku no molok arranka sei halo teste médiku.

“Sira hato’o ba Primeiru Ministru katak iha tempu badak sira hakarak mai haree tan oinsá atu rekruta tan timor-oan tanba sira agora presiza traballadór, Austrália agora presiza ema barak atu ba serbisu’, hatete nia.

Ho nune'e embaixadora Timor-Leste iha Austrália ne’e, husu ba timoroan sira ne’ebé hetan oportunidade servisu iha Austrália atu hatudu duni katak sira reprezenta estadu Timor-Leste.

“Ha’u nu’udar Xefe Misaun, apelu ba timoroan sira ne’ebé hetan oportunidade, ne’e oportunidade di’ak tebes, hanesan janela ida nakloke ba ita, tanba ne’e tenke hatudu komportamentu no disiplina nu’udar timoroan tanba ita ba lori ita-nia bandeira RDTL, se ita lori bandeira ne’e ita tenke respeita, katak tenke obedese lei Austrália, tenke iha disiplina bainhira ba serbisu iha ema-nia fatin tanba oportunidade úniku, aban bainrua saida mak akontese bele taka dalan”, afirma nia.

Aleinde ne'e mós, apela ba traballadór na’in-15 ne'ebé sei selesionadu ba servisu iha Austrália ne’e, atu iha responsabilidade no tenke hatudu komportamentu no serbisu di’ak.

“Empreza kompromete ona ba Primeiru Ministru katak sira sei haree traballadór sira ho di’ak no sira sei manán osan ho rate ne’ebé Austrália fó, katak osan di’ak. Agradese tanba ita loke odamatan ba sira atu foti timoroan ba serbisu iha sira-nia empreza, nune'e husu mós ba sira ne'ebé sei selesionadu atu ba servisu iha Austrália ne'e hatudu komportamentu di'ak no responsabilidade”, apela nia.

Entretantu Embaixadora Timor-Leste iha Austrália ne'e agradese no kompromete katak Governu prontu atu fó asisténsia ba saida de’it mak empreza hakarak halo iha Timor-Leste. (*)

Rate this item
(0 votes)
Last modified on Friday, 22 July 2022 18:13
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter