Login to your account

Username *
Password *
Remember Me

Aban, Traballadór Na'in-74 Sei Aranka ba Austrália

Familia traballadór sira asina hela deklarasaun ho SEFOPE hodi husik família ba Servisu iha Austrália, iha Salaun DNEE, Bekora, tersa (08/03). Familia traballadór sira asina hela deklarasaun ho SEFOPE hodi husik família ba Servisu iha Austrália, iha Salaun DNEE, Bekora, tersa (08/03). Foto Tempo Timor

Tempotimor (Dili)-Sekrétariu Estadu Profesionál Empregu (SEFOPE) liuhusi Diresaun Nasionál Empregu Exterior (DNEE) aban, kuarta (09/03) sei haruka traballadór hamutuk na’in-74 ba nasaun Austrália.

Tanba ne’e, SEFOPE realiza seremónia asina deklarasaun ho família traballadór na’in-74, iha loron tersa (08/03) atu husik oan, la’en ba servisu iha nasaun Austrália.

“Objetivu husi eventu ohin ne'e, mak atu oinsá parte husi Governu no família hodi assina deklarasaun atu sai hanesan komitmentu ida katak inan aman no família prontu ona husik sira-nia oan, la’en husi sira-nia le'et atu ba servisu iha ema nia rain. La'ós Governu mak obriga maibé Governu kria kondisaun de'it, oprotunidade ne'e traballadór sira mak aproveita”, dehan Diretór Nasionál Diresaun Nasionál Empregu Exterior, Filomeno Soares, iha Salaun DNEE, Bekora, tersa (08/03).

Maibé atu aproveita oportunidade sira ne'e, traballadór sira tenke kumpri rekezitu balun hodi asegura sira, bainhira servisu iha Aústralia. Tanba prosesu haruka traballu sira ba servisu iha rai liur la'ós prosesu fasil, maibé liuhusi prosesu ne'ebé naruk.

Ho ida ne’e, husu ba traballadór ne'ebé hetan ona oportunidade atu aproveita ho didi’ak hodi bele loke dalan ba joven sira iha fututu.

Traballadór sira ne’ebé atu aranka ba Aústralia ho totál ema na’in-74, iha feto na'in-28 no mane na'in-46, sei destaka iha Kompaña ADCO, Hilwood, Touis, Kuala Farm no Grace-co.

Família Traballadór, Helena da Costa hatete, husi parte família nian sente orgullu tanba sira-nia oan hetan oportunidade ba servisu iha Austrália hodi hadi’a moris família nian.

“Servisu ne'ebé sira hala'o iha Aústralia ne'e ita bele dehan katak todan no hanesan inan aman ka família presiza halo orasaun no kria unidade ne'ebé solidu iha uma laran. Nune'e bele motiva nia hodi hala'o servisu iha ema nia rai”, hatete nia.

Mensajen hanesan inan ba sira ba Traballadór sira tenke kuidadu-an liliu saúde nomós kuidadu fiziku sira-nia, tanba ambiente iha ema nia la hanesan Timor-Leste.

“Ida seluk sira labele servisu ilegál iha ema nia rai tanba família iha Timor presiza sira no servisu ba Governu para bainhira iha problema ruma Governu atende lalais”, hameno nia ba Traballadór. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter