Tanba Kandidatu Prezidente Repúblika husi Partidu CNRT, hahú ko’alia ba komunidade sira, bainhira manán iha eleisaun presiza buka haku'ak Partidu Polítiku (ParPol) hothotu oinsá mak bele hametin paz iha nasaun Timor-Leste.
“Ha’u hatete bebeik, bainhira ita iha leten, ita hakraik-án, hakruk ba sira ne’ebé iha kraik, buka hakuak ba sira ne’ebé iha podér, labele insulta malu, labele ataka bainhira kaer poder, tanba bele halo difísil liután diálogu ba oin”, esplika nia hafoin hala'o kampaña iha kampu futeból Munispál Aileu, dominggu (06/03).
Maske iha deklarasaun ne’ebé antes ne’e mosu katak sei halo bainhira eleitu sai prezidente sei dissolve Parlamnetu Nasionál no repozisaun konstituisaun ne’ebé durante la tuir nia dalan.
Maibé Kandidatu Prezidente Repúblika ne’e hatete, dalan atu haku'ak partidu polítiku sira mak, presiza halo reflesaun didi’ak bainhira halo atakasaun tanba dalaruma sei iha resposta ruma ne'ebé mak iha, hodi tuir dalan lós.
Nune’e husu partidu polítiku sira kaer mós ba paktu husi CNE ne’ebé kandidatu hotu assina atu labele insulta malu no uja violénsia iha tempu festa demokrasia ne’e.
Bainhira eleitu, kandidatu ne’e sei kontinua apoia Governu atu ezekuta planu Estratéjiku Dezenvolvimentu Nasionál (PEDN 2011-2030), kontinua hadi’a estrada, halo manu tensaun ba estrada.
Iha kampaña ne’e, hetan partisipasaun husi apoiante partidu CNRT, partidu balun no movimentu sira no hetan mós observasaun husi CNE ne’ebé kolaborasaun seguransa husi PNTL. (*)
