CNRT sei “Impede” FRETILIN Labele Fó GS ba Austrália

Deputadu partidu CNRT Patrocíno Fernandes  ko'alia ba Jornalista iha Parlamentu Nasional Deputadu partidu CNRT Patrocíno Fernandes ko'alia ba Jornalista iha Parlamentu Nasional Foto File

Tempotimor (Dili)-Deputadu bankada opozisaun Congresso Nacionál Reconstrução Timorense (CNRT) iha Parlamentu Nasional, Patrocíno Fernandes promete sei hamrik hodi defende Greater Sunrise (GS) atu labele dada ba rai Austrália.

Deputadu CNRT ne’e ko’alia tanba nia hare katak, governu ne'ebé viabilizadu husi Partidu FRETILIN hakarak atu sakrifika tán Timor-Leste ninia rikusoin ba rai seluk.

Tanba ne'e, CNRT prontu atu ezize hodi "Impede" tiha hahalok FRETILIN nian ne'ebé hatudu iha tinan sira uluk, FRETILIN asina tiha akordu CMATS (Acordo Marítimo no Mar de Timor) atu Timor-Leste ho Austrália labele diskute Fronteira Marítima durante tinan 50 ninia laran.

"Bankada CNRT sei Kontinua Ejize Greater Sunrise tenke mai Timor-Leste," deputadu Patrocino Fernandes deklara liu husi komunikadu imprensa iha PN, Kuarta (18/11).

Nia konsidera ema hotu ohin loron hare vitória husi lideransa Kay Rala Xanana Gusmão, hamutuk ho nia ekipa negosiadór ne'ebé konsege manán Fronteira Marítima, tuir loloos governu tenke orguillu no oinsa mak esforsu aan atu dada kadoras mai TL.

Nia hatutan, oras ne'e Timor-Leste mak hanesan kbiit ba negosiasaun, maibé konfuzaun boot tanba Timor tenke hateke de'it rai seluk mak explora rame-rame timor nia rikeza iha Tasi Timor.

Atu selebra ida ne'e, nia husu governu tenke hatudu polítika sira atu halo esforsu hotu-hotu liuhosi programa estratéjiku sira oinsá mak asegura Timor-oan nia rikusoin, la’ós ko'alia mangame de'it hodi tau Timor-Leste iha pozisaun fraku iha kompañia minarai no nasaun seluk nia oin.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks