UDT Husu KKFP-MPRM Labele Analiza Mina-Maran ho Imajinasaun

Prezidente bankada parlamentár husi partidu Uniăo Democrática Timorense (UDT), Francisco David Xavier Carlos ko'alia ba Jornalista sira iha Resintu PN (18/11) Prezidente bankada parlamentár husi partidu Uniăo Democrática Timorense (UDT), Francisco David Xavier Carlos ko'alia ba Jornalista sira iha Resintu PN (18/11) Foto Tempo Timor

Tempotimor (Díli)- Prezidente bankada parlamentár husi partidu Uniăo Democrática Timorense (UDT), Francisco David Xavier Carlos, husu ba Prezidente Konsellu Konsultivu Fundu Petrolíferu (KKFP) Juvinál Dias, ho Ministru Petróliu Rekursu Minerais (MPRM) Victor da Conceição Soares atu labele halo análiza ba mina rai iha Tasi Timor ho imajinasaun.

Prezidente bankada UDT ne’e husu ne’e tanba, antes ne’e Juvinál Dias ho Victor da Conceição Soares liu husi audiénsia publika ba Orsamentu Jerál Estadu (OJE) 2021 iha Parlamentu Nasionál (PN) hateten katak, tinan sanulu tan mina rai sei maran.

"Ha'u la konkorda ho teória ne'ebé Junivál Dias fó hatene ne’e. Bazeia ba peskiza saida mak sira hateten katak, depoiz de tinan 10 mai tan minarai ne'e atu hotu. Dala-ruma sira ko’alia ne'e labele to'o imanjinasaun ka iluzaun de'it, tanba minarai ne'e ita hare nu'udár rekursu ne'ebé TL iha, tanba iha pontus barak ne’ebé bele identifika iha minarai", Francisco David Xavier Carlos hateten lia hirak ne’e iha PN, Kuarta (18/11).

Nia dehan, TL bele investe fundus petrolifera iha área barak, tanba Timor dependénsia ba iha fundus petroliferas, enkuantu iha reseita barak ne’ebé bele halo hodi hetan retornu ekonómiku ba rai ida ne’e.

Tuir nia, ekonómia TL nian ne'ebé daudaun eziste, laiha ona sustentabilidade, tanba ne'e seitór ne'ebé governu tenke halo hodi substitui fundu minarai mak turízmu.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks