KHUNTO “Xokadu” ho Liafuan Remodelasaun

Deputada Olinda Guterres iha Plenaria PN Deputada Olinda Guterres iha Plenaria PN Foto File

Tempotimor (Dili)- Prezidente Bankada Kmanek Haburas Unidade Nasionál Timor-Oan (KHUNTO) Olinda Guteres rezeita no “xokadu” ho komentáriu balun ne'ebé sai polémika iha média sosiál no média nasionál sira katak, tinan ne'e sei akontese remodelasaun ba membru governu.

Deputada ne'e konsidera remodelasaun ba membru governu ne'e sei la akontese tanba, tuir nia hatene, Primeiru Ministru hasai duni deklarasaun maibé la'ós atu halo remodelasaun.

"Tuir ha’u nia hatene, la'ós remodelasaun mak akontese, maibé substituisaun mak sei akontese," Olinda hateten ba www.tempotimor.com iha PN, Kuarta (18/11).

Nia hatutan, membru governu ne'ebé kona substituisaun mak hanesan Ministru Finansas Fernando Hanjam.

Razaun halo substituisaun ne'e, tanba ministru finansas oras ne'e nia moras hela no labele marka prezensa iha debate Orsamentu Jerál Estadu (OJE) 2021.

“Tanba ida ne'e mak Primeiru Ministru deside substitui nia fatin ho Rui Gomes, nune'e fasilita diak liu tan debate OJE 2021”, nia subliña.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks