MAPKomS Vizita KI, Gerónimo Promete Sei Hadi'a Kondisaun KI

Prezidente Konsellu Imprensa (KI) Virgílio da Silva Guterres hatudu hela kondisaun KI nian ba Ministru Asuntu Parlamentár no Komunikasaun Sosiál (MAPKomS) Francisco Gerónimo. Segunda (26/10). Prezidente Konsellu Imprensa (KI) Virgílio da Silva Guterres hatudu hela kondisaun KI nian ba Ministru Asuntu Parlamentár no Komunikasaun Sosiál (MAPKomS) Francisco Gerónimo. Segunda (26/10). Foto Tempo Timor

Tempotimor (Dili)-Ministru ba Asuntus Parlamentares no Komunikasaun Sosiál (MAPKOMS) ho ninia kometiva hala'o vizita kortezia ba edifísiu Konsellu Imprensa (KI), hodi haree diretamente ba kondisaun KI nian.

Hafoin vizita ne'e, Ministru MAPKomS Francisco Gerónimo orgullu ba programa ne'ebé órgaun reguladór ba Komunikasaun Sosiál sira elabora, tanba ne'e kontinua fó atensaun ba programa ne'ebé implementa tiha ona.

Nia mós promete sei tau konsiderasaun no deskute oinsa buka solusaun ba preokupasun KI hanesan fatin ba KI inklui Balibo Five ne'ebe hanesan loron ba liberdade imprensa nian.

"Intensaun atu haree diretamente kondisaun edifísiu Konsellu Imprensa nian no ko'alia mós kona-ba kooperasaun serbisu entre MAPKomS ho órgaun reguladór komunikasaun sosiál ne'e iha futuru," dehan Ministru ne'e hafoin termina vizita kortezia ba KI, iha Kinta-Boot, Segunda (26/10).

Iha fatin hanesan, Prezidente KI, Virgílio Guterres, hato'o kondisaun reál KI nian ba MAPKomS, liu-liu kona-ba fatin sira iha aredór KI nian ne'ebé abandonadu hela. Tanba ne'e kontinua buka meius atu koopera ho ministeriu relevante sira liu-liu MAPKOMS hodi implementa atividade kona-ba literásia mediátika ho literásia dizitál.

"Ba oin sei diskute mós kona-ba nesesidade revizaun ha kuadru legál sira liu-liu Lei Komunikasaun Sosiál no Estatutu Konsellu Imprensa tanba KI identifika katak iha Lei Komunikasaun Sosiál la mensiona ho loloos plataforma mídia online," dehan nia.

Iha oportunidade ne'e, Konsellu Imprensaa husu ba MAPKOMS atu aprezenta iha reuniaun Konsellu Ministru hodi konsidera Balibó Five hanesan loron Liberdade Imprensa.

Entrentantu tuir planu iha futuru, Konsellu Imprensa mós sei tau prioridade ba Programa Dezenvolvimentu Mekanizmu Auto regulasaun no Supervizaun ba Mediasaun, iha ne'ebé sei servisu hamutuk ho MAPKOMS tanba programa ne'e foka liu ba revizaun lei no enkuadramentu legál sira inklui sensibilizasaun no konsulta kona-ba divulgasaun Lei Komsos nian ne'ebé aprezenta husi Diresaun Nasionál Diseminasaun Informasaun (DNDI).(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter