Kompañia 2 Aprezenta Teknolójia Konstrusaun Estrada Ba PM Taur

Tempotimor (Dili) - Kompañia privadu Renolith ho Exotika, aprezenta modelu teknolójia foun ba Primeiru Ministru (PM), Taur Matan Ruak, atu haree para bele garante dezenvolvimentu konstrusaun estrada iha rai-laran.

Kordenadora Unidade Planeamentu Monitorizasaun Avaliasaun (UPMA), Brígida Soares hateten, aprezentasaun ne'e ko'alia liu kona-ba teknolójia foun ne'ebé implementa husi kompañia rua ba konstrusaun estrada ninia kualidade.

"(Sira) halo introdusaun ba teknolójia konstrusaun foun liuliu iha konstrusaun estrada hodi primeiru ministru haree benefísiu saida mak teknolójia foun ne'e bele implementa liuliu iha rai sira ne'ebé halo estrada", dehan nia, hafoin hasoru malu ho Primeiru Ministru, iha Palásiu Governu, Sesta (28/08).

Nia afirma, rezultadu teknolójia foun ne'ebé implementa husi kompañia privadu rua ne'e mak hatudu ona iha estrada parte Kaikoli, Kakaulidun no Taibesi.

"Teknolójia foun ne'e introdusaun ba primeiru ministru atu bele haree ninia benefísiu no planu oinsá governu sei utiliza iha futuru, liuliu haree ba ninia kualidade estrada ne'ebé produs husi teknolójia ida ne'e, depois poupansa tempu no osan sira ne'ebé Estadu utiliza ba konstrusaun estrada nasionál ho rurál", nia salienta.

Resposta husi Primeiru Ministru intersante tebes katak, aprezentasaun ne'e pozitivu no sei iha tan aprezentasaun ba Vise-Primeiru Ministru no Ministru Obras Públiku iha tempu badak. (*)  

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter