PM Taur: Hateke Ba Pasadu, Hakat Ba Oin

PM Taur Matan Ruak PM Taur Matan Ruak Foto Ofisial

Tempotimor (Dili) - Primeiru Ministru (PM), Taur Matan Ruak hateten, iha loron 30 Agostu 2020, Timor-Leste sei komemora loron Konsulta Populár ba dala XXI, maibé to'o mai agora buat barak mak seidauk dezenvolve.

Ne'e duni, Xefe Governu husu, lembra fali ba tempu pasadu Timor-Leste nia independénsia mai husi situasaun ne'ebé difisil, maibé konsege liberta duni pátria.

Nune'e sukat pasadu mai to'o agora la'o tempu naruk ona, maski buat barak mak halo ona, maibé barak mak seidauk. Tanba ne'e, presiza hotu-hotu ninia kontribuisaun para halo dezenvolvimentu hodi tane povu ba moris di'ak.

"Tinan 20 liu, hateke fali ba kotuk ita la'o dook loos ona, buat barak mak halo ona mas buat barak loos mak seidauk", dehan PM Taur, liu-husi ninia diskursu iha serimónia tomada de pose ba Komisáriu Funsaun Públika, iha Palásiu Governu, Sesta (28/08).

Nune'e, espera iha tempu sira ne'ebé oin mai hotu-hotu fo nafatin kontribuisaun para nasaun la'o nafatin ba oin ho dezenvolvimentu ekonómiku no seguransa estabilidade.

"Dezenvolvimentu liuliu buka bem estar sidadaun sira-nian, tanba ita-nia atensaun no fokus tomak mak ba sidadaun sira", tenik nia.

Tanba ne'e, xefe ezekutivu husu hotu-hotu nia kontribuisaun atu lori nasaun Timor-Leste ba oin ho dezenvolvimentu iha área oioin. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter