Manajer Dijitál Solution Telkomcel, Sesaltina Jannet da Rosa Maia hateten, liuhusi relatóriu Banku Sentrál Timor-Leste (BCTL) katak povu barak mak seidauk sente saida mak rendimentu finansiál.
Nune'e, liuhusi ida ne'e mak Telkomcel ho misaun ida atu sai hanesan liurai dijitál (king of digital) hodi bele suporta povu sira ne'ebe seidauk sente rendimentu finansiál.
“Liuhusi relatóriu ita-nia Banku Sentrál Timor-Leste katak ita-nia povu barak mak seidauk hatene saida mak rendimentu finansiál, tan ne'e ami iha misaun ida atu sai king of digital atu bele ajuda ema sira ne'ebé hakarak transfere osan ruma ka sasán online iha toko online sira", dehan Sesaltina, iha Timor Plaza, Sesta (28/08).
Nia hatutan, sei halo esforsu hodi halo sosializasaun ba iha komunidade atu oinsá muda hanoin kona-ba buat sira ne’ebé antes ne’e manuál ba dijitál.
Tanba ho karteira eletróniku ne’e sei hafasil bainhira pulsa EDTL hotu iha kalan boot la presiza hein to’o loron, maibé bele liuhusi karteira eletróniku bele transfere pulsa direita ba kliente. (*)