MAPKomS: GMN-TV Tenke Sai Nafatin Média Favoritu iha TL

Ministru Asuntu Parlamentár no Komunikasaun Sosiál (MAPKomS), Francisco Martins da Costa Pereira Jerónimo ko'alia hela ho pesoal GMN sira iha wainhira hala'o vizita ba edifisiu GMN Bebora Dili Ministru Asuntu Parlamentár no Komunikasaun Sosiál (MAPKomS), Francisco Martins da Costa Pereira Jerónimo ko'alia hela ho pesoal GMN sira iha wainhira hala'o vizita ba edifisiu GMN Bebora Dili Foto suplai

Tempotimor (Dili) - Liuhusi vizita kortezia ba Grupu Média Nasionál (GMN-TV), Ministru Asuntu Parlamentár no Komunikasaun Sosiál (MAPKomS), Francisco Martins da Costa Pereira Jerónimo, husu atu televizaun ne'e sai nafatin favoritu iha Timor-Leste.


Nia dehan, Grupu Média Nasionál (GMN) iha estilu ne'ebé modernu ho materiál dijitál hotu.

Haree husi dezenvolvimentu média ne'e nian, fó impresaun ba ministru katak presiza tau matan mós ba média sira seluk atu dezenvolve hanesan mós GMN-TV.

"Ha'u husu bá GMN-TV atu kontinua hadi'a nafatin atu nune'e bele sai imprensa ne'ebé favoritu ba Timor-Leste" Ministru Jerónimo, iha redasaun GMN, Sesta (10/7).

Aleinde ne'e, ministru mós halo ona vizita ba media balun iha Timor-Leste hodi hatudu katak Governu iha interese atu apoiu dezenvolvimentu média iha TL hodi haburas demokrasia iha rai-laran. (*)

Rate this item
(1 Vote)
Last modified on Saturday, 11 July 2020 10:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.