Kaben Sedu Kontribui Ba Númeru Motalidade

Doutór Romualdo Bosco Espesialista objéniu ka inan no labaraik Doutór Romualdo Bosco Espesialista objéniu ka inan no labaraik Foto Tempo Timor

Tempotimor (Dili) - Kauza husi ema númeru ema mate liuliu ba inan-isin rua no labarik fatór ida maka tanba kaben sedu.


Espesialista objéniu ka inan no labaraik, Doutór Romualdo Bosco hateten, kazu mortalidade ba inan no labaraik aas iha Timor-Leste tanba kaben sedu ka inan ne'ebé sei idade menór. 

"Fatór ne'ebé risku liu iha Timor ne'e mak inan sira ne'ebé idade sei ki'ik ka adolesensia inklui ema ne'ebé liu ona tinan 35 mós sei isin-rua no balun tinan 50 ona mós sei isin-rua, entaun husi fatór rua ne'e mak halo inan no oan mate barak ne'e," dehan nia, iha Hotel Novu Turizmu Dili, Sesta (10/7).

Tuir nia, tinan seguru atu programa bebé mak husi tinan 20-35, maibé iha Timor ne'e menus husi tinan 20 mós barak loos, liuliu sira ne'ebé sei tinan 15.

"Ne'e perigu tebes, tanba sira-nia órgaun reprodutivu nian mós seidauk prontu "matang". Maibé risku mós ba inan sira ne'ebé 35 ba leten mak isin-rua mós fasíl hetan moras," dehan Doutór Romualdo.

Aleinde fatór idade, populasaun barak mós sei hela iha área izoladu ne'ebé la konsege hetan tratamentu saúde oinsá atu kuidadu saúde.

"Parte seluk mak ita-nia ema barak mak sei hela iha área izoladu ne'e barak tebes, tanba ne'e atu hetan lalais tratamentu ne'e mós seidauk di'ak," tenik Roumaldo.

Nia dehan, durante iha Timor seidauk iha dadus estatístika, maibé iha mak dadus estimativa, entaun kada tinan la hatene inan no labarik hira mak mate.

Rate this item
(1 Vote)
Last modified on Friday, 10 July 2020 23:45
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.