Duarte: Igreja iha Direitu Bandu Parpol Halo Juramentu

Konselleiru Maximu Jose Naimori Bukar ho membru KORK sira Konselleiru Maximu Jose Naimori Bukar ho membru KORK sira Foto Suplai

Tempotimor (Dili) - Bankada Congresso Nacional Reconstrução Timor-Leste (CNRT) konkorda ho pozisaun Igreja nian ne'ebé bandu sidadaun sira halo halo juramentu ba partidu polítiku.

Deputadu Bankada CNRT, Duarte Nunes hatete, deklarasaun husi Igreja inklui Arsebispu Don Virgilho do Carmo hatete loos hela, sarani sé deit atu uza kultura Igreja nian hodi destroi  fali sarani sira-nia fiar Igreja iha diretu atu kestiona.

"Ha'u hanoin buat ne'ebé Igreja ko'alia ne'e klaru, sira iha razaun bainhira ema sé de'it maka lori fali kultura Igreja nian destroi ema nia hanoin, ne'e Igreja iha diretu para hatete labele no la loos," dehan nia, ba jornalista sira, iha PN, Tersa (7/7).

Nia mos husu Igreja inklui Partidu KHUNTO  atu halo aproximasaun ba malu hodi hakotu dezintendimentu ne’ebé akontese.

"Ha'u nota iha ne’ebá husi Partidu KHUNTO halo deklarasaun dehan atu halo manifestasaun hasoru parte Igreja Katólika, ne’e mak dalaruma la pas ho situasaun,” dehan Xefe Bankada CNRT ne'e.

Duarte mos kestiona kuadru partidu KHUNTO nian maski estrutura inklui militante maioria Katólika maibé iha  kontradisaun hasoru Igreja Katólika. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.