CNRT no FRETILIN Duun Malu Korrupsaun

Uma Fukun Parlamentu Nasional Uma Fukun Parlamentu Nasional Foto File

Tempotimor (Dili) - Kazu korupsaun ne'ebé mosu iha ukun governasaun Timor-Leste nian hahú nakloke uitoan-uitoan. Bankada FRETILIN no CNRT duun malu kona-ba kazu korrupsaun iha governasaun tempu sira-nian.

Asuntu korrupsaun sai diskusaun manas iha Plenária Parlamentu Nasionál hafoin deputadu Bankada FRETILIN no CNRT fakar sai faktu hirak ne'ebe sira rasik komete durante iha sira-nia mandatu governasaun.

Liuhusi ajenda Plenária Parlamentu Nasional, loron Segunda (6/7), deputadu Bankada CNRT hato'o sira-nia deklarasaun hodi akuza Sekretáriu Jerál Partidu FRETILIN, Mari Alkatiri komete subornu iha primeiru Governu Konstitusionál.

Hafoin akuzasaun ne'e, deputadu Bankada FRETILIN, Alexandrino Cardoso, resposta no kestiona ukun CNRT nia hamosu irregularidade oioin hanesan eis-ministra Emília Pires no Francisco Kalbuadi ne'ebé hetan ona akuzaun husi Ministériu Publiku.

"Ita boot sira mai kestiona hela deit Alkatiri, se karik sente ho evidensia bele ba hatama keixa hasoru Alkatiri, tanba Alkatiri prontu atu ba ne'ebé de'it," dehan nia. 

Nune'e, sadik Partidu CNRT atu bolu Emília Pires no Francisco Kalbuadi atu mai hataan iha tribunál, tanba to'o ohin loron tribunál hein hela sira na'in rua. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.