Jurista Timor-oan, padre Julio Crispim hatete, inisiativa koligasaun foun atu lori PR ba tribunal tenke liu husi Parlamentu Nasionál.

Bazeia ba Konstituisaun RDTL artigu 79 kona-ba 'Hatan ba krime no obrigasaun ba konstituisaun' iha alineia 2 hatete, "Sei hahú prosesu ne'e (PR hatan ba supremu tribunal justisa nian) iha Parlamentu Nasionál tuir proposta husi baluk lima ida (1/5) ho deliberasaun aprovadu tuir maioria baluk tolu rua (3/2) husi deputadu hotu-hotu".

Bazeia ba ida ne'e, Pe. Crispim fiar katak, maske deputadu husi koligasaun foun aprezenta proposta atu lori PR ba tribunal, maibé proposta refere sei la pasa iha PN, tanba presiza hetan apoiu ka aprova husi deputadu 3/2 ka na'in 43.

VIDEO PUBLISIDADE APELU HUSI PM TAUR APLAUS BA FRONT LINE

"Inisiativas ne'e tenke mai husi Parlamentu Nasional i proposta atu hatama ne'e ida baluk lima (1/5) deputadu sira i atu bele aprova ezize dois tersus, minimu 43 deputadu. Ne'e la fasil, bainhira liu ona mak foin Prezidente Repúblika bele ba hatan iha tribunal," dehan Pe. Crispim ba www.tempotimor.com via telemóvel, Sesta (01/05).

Molok ne'e, liu husi konferensia imprensa, Prezidenti Partidu CNRT Kay Rala Xanana Gusmão deklara PR Lu Olo viola no laiha responsablidade tuir K-RDTL, nune'e tuir planu koligasaun foun sei halo petisaun ba Prezidente Repúblika iha Tribunal hodi fiskaliza.

Tuir Xanana, PR Lu Olo la kumpre K-RDTL, viola ka laiha responsablidade konstitusional ka grave krize institusional.

"Aujensia desizaun husi Prezidente naruk tebes, se la viola konstitusun ami la aprezenta," dehan Xanana.

Ho nune'e, parte koligasaun foun perpara ona dokumentus, inklui nomeia ona advogadu Manuel Tilman atu prosesu ba Tribunal.

PUBLISIDADE