Xanana: Ami La Vale Ona

Prezidente CNRT Kay Rala Xanana Gusmao (Klaran) ko'alia ba Midia durante Konferesia imprensa iha sede Partidu CNRT, iha Bairo dos Grillus (30/4) Prezidente CNRT Kay Rala Xanana Gusmao (Klaran) ko'alia ba Midia durante Konferesia imprensa iha sede Partidu CNRT, iha Bairo dos Grillus (30/4) Foto Tempo Timor

Tempotimor (Dili)-Prezidente Partidu CNRT Kay Rala Xanana Gusmão deklara koligasaun Aliansa Maioria Parlamentar (AMP) foun laiha ona dalan atu bele forma governu hafoin partidu KHUNTO deside sai husi koligasaun refere.

Iha Kuarta (29/04), partidu KHUNTO hato'o karta ida ba Prezidente AMP, Xanana Gusmão hodi deklara sai husi koligasaun AMP ne'ebé forma husi CNRT, KHUNTO, PD, UDT, FM, no PUDD iha 22 Fevereiru 2020.

Ho desizaun ne'e, Xanana konsidera, AMP labele ona atu forma governu foun, hanesan buat ne'ebé mehi ona bainhira forma koligasaun foun refere.

"Ami la vale ona, sira ne'ebé agora atu forma governu ne'e husik forma governu", dehan Xanana liu husi konferensia imprensa iha Sede CNRT Bairro dos Grillhos, Dili, Kinta (30/04).

VIDEO PUBLISIDADE APELU HUSI PM TAUR APLAUS BA FRONT LINE

 

Xanana dehan, sira la hirus KHUNTO ba desizaun ne'ebé foti ona, maibé husu ba partidu ne'ebé lidera husi Naimori atu halo konferensia ida hodi deklara sai husi AMP.

"Ami la hirus KHUNTO, maibé atu fó lembra ba sira, karta de'it seidauk to'o presiza halo tan konferensia extraordinaria ida atu deklara sai husi AMP katak rezolusaun kongresu la vale ona, surat KHUNTO nian Partidu KHUNTO hola parte estrutura oitavu governu ne'ebé sira fó apoiu tomak ba oitavu governu to'o iha tinan 2023, ne'ebé ami sei dezeija susesu ba governu foun ne'ebé e sira atu forma ne'e, " Xanana deklara.

Xanana afirma katak, sira la hirus KHUNTO, maibé respeita tebes desizaun ne'ebé partidu refere foti ona.

"Resposta ba KHUNTO la'os atu hirus laiha, maibé ami respeita tebes," dehan Xanana.

PUBLISIDADE

 

 

Rate this item
(0 votes)
Last modified on Saturday, 09 May 2020 14:28
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.