Segunda, PN Debate Ba Estensaun EE

Prezidente Parlamentu Nasional, Arao Noe de Jesus Amaral ko'alia ho jornalista sira iha Paralamentu Nasional (24/4) Prezidente Parlamentu Nasional, Arao Noe de Jesus Amaral ko'alia ho jornalista sira iha Paralamentu Nasional (24/4) Foto Isac Oliviera

Tempotimor (Dili) - Parlamentu Nasionál (PN) liuhusi reuniaun lider bankada sira, deside ona hodi debate ba pedidu Prezidente Repúblika (PR) nian relasiona ho prolongamentu ba Estadu Emerjénsia ne'ebé sei remata, iha Domingu (26/4).

Prezidente PN, Arão Noé de Jesus hateten, lider bankada sira deside ona atu iha Segunda (27/4), debate ba pedidu Xefe Estadu ba prolongamentu Estadu Emerjénsia.

Nia dehan, loloos atu ajenda ba Sabadu (25/4), maibé tanba deputadu barak ba munisípiu entaun adia fali ba Segunda.

"Debate sei la'o baibain, hahú ho Primeiru Ministru nia intervensaun kona-ba objetivu estensaun Estadu Emerjénsia, depois kada bankada sira halo intervensaun durante minutu 30, depois liafuan ikus husi Xefe Governu no hakat ba votasaun," dehan Arão.

Nia mós afirma, iha debate ne'e laiha intervensaun kada deputadu, maibé intervensaun kada bankada durante minutu 30.

Iha minutu 30 ne'e kada bankada bele jere ba nia deputadu balun iha bankada laran para halo kompleta rendimentu ne'ebé iha ona. (*)

 

Rate this item
(0 votes)
Last modified on Saturday, 25 April 2020 08:48
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.