Hari'i Governu Foun : FRETILIN La Halo Kontaktu ho Parpol Seluk

Eis Primeiru Ministru Mari Alkatiri sorumutuk ho Primeiru Ministru Taur matan Ruak iha palasiu do Governu (17/2) Eis Primeiru Ministru Mari Alkatiri sorumutuk ho Primeiru Ministru Taur matan Ruak iha palasiu do Governu (17/2) Foto Midia Gabinete Eis Titular Mari Alkatiri
 Tempotimor (Dili) - Partidu FRETILIN to'o agora seidauk halo kontaktu ruma ho partidu polítiku sira ne'ebé hetan asentu parlamentár hodi halo koligasaun foun ba formasaun governu. 

Sekretáriu Jerál Partidu FRETILIN, Mari Alkatiri hatete, sei la halo movimentasaun polítika ho partidu sira seluk.

"Ha'u katuas bonitu ida hein ema seluk mak mai", dehan nia, hafoin soru-mutu ho Primeiru Ministru, Taur Matan Ruak, iha Palásiu Governu, Segunda (17/2).

Movimentu parpol sira ne'e relasiona ho opsaun ne'ebe Prezidente Repúblika, Fransisco Guteres Lú Olo, fó atu partidu ne'ebé hetan asentu iha parlamentár halo movimentasaun para bele hakotu impase polítika iha rai-laran.

Nia esplika, durante ne'e FRETILIN halo movimentu maibé la'ós ho partidu polítiku ho povu sira iha baze.

"Ami fin-de-semana halo hela movimentasaun polítika ho povu iha munísipiu hotu-hotu, falta munísipiu tolu mak seidauk", dehan Alkatiri. 

Nia afirma, dadaun ne'e Partidu FRETILIN halo movimentasaun polítika ho povu, tanba povu mak sai hanesan aliadu ba FRETILIN. (*)
 
Rate this item
(1 Vote)
Last modified on Monday, 17 February 2020 19:58
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.