Horta : FRETILIN Lakohi Aproveita Situasaun

Dr. Jose Ramos Horta la'o hela iha koridor Palasiu PR wainhira atu ba enkontru ho Prezidente da Republika iha semana kotuk iha palsiu Prezidensial Dr. Jose Ramos Horta la'o hela iha koridor Palasiu PR wainhira atu ba enkontru ho Prezidente da Republika iha semana kotuk iha palsiu Prezidensial Foto Midia PR

Tempotimor (Dili) - Impase polítika daudaun ne'e loke dalan ba FRETILIN atu envolve iha formasaun governu foun. Maski nune'e, partidu istóriku ne'e lakohi aproveita situasaun.


"Ha'u koalia ho Mari Alkatiri, nia-sentidu kalma loos, nia la kaan podér. Lakohi aproveita situasaun para FRETILIN ukun," dehan Eis-Prezidente Repúblika aumezmu tempu nu'udar mediadór diálogu, José Ramos Horta, ba www.tempotimor.com, iha knaar fatin, Faról, Segunda (17/2).

Ramos konfesa, enkontru entre nia ho Alkatiri konsumu katak, orientasaun FRETILIN nian ba kuadru polítiku sira atu labele ko'alia barak, maibé prontu viabiliza governu foun, nune'e Orsamentu Jerál Estadu (OJE) bele pasa.

"Signifika, Mari Alkatiri, Sekretáriu FRETILIN  iha vontade no boa fé," tenik nia.

La'ós ona segredu públiku katak, hafoin OJE 2020 xumba iha Parlamentu Nasionál, impase polítika kontinua mosu no Prezidente Repúblika, Francisco Guterres Lú Olo, daudaun ne'e halo diálogu no hein foti desizaun.

Enkontru entre lider nasionál sira rezulta opsaun balun hanesan fó fila ba partidu polítiku sira iha asentu parlamentár atu buka malu, loke dalan ba FRETILIN atu halo mós koligasaun foun ida ho partidu polítiku balun.

Entertantu, seidauk iha serteza loloos bainhira mak bele iha rezultadu final hodi hakotu impase polítika mezmu eleisaun antesipada nu'udar últimu rekursu. (*)

Rate this item
(4 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks