Prezidente Bankada CNRT, Duarte Nunes hatete, bankada CNRT la halo esforsu hodi forma governu foun.
"Bankada la halo esforsu, tanba atu buka sé? Ema la simu ami. See sira mak hakarak mós ne'e hanesan ami lohi ema de'it", tenik nia, iha Parlamentu Nasionál, Segunda (17/2).
Duarte afirma, halo movimentasaun ne'e dalaruma iha partidu, maibé iha bankada la hatene tanba iha bankada laiha movimentasaun.
"Sira la mai konvense ami, tanba ami atu ba mós atu halo saida! Tanba ne'e, sira mos la mai, ami mos la ba. Ne'e ko'alia hanesan bankada. Karik iha partidu ne'e urusan, hau iha ne'e simu orientasaun de'it", tenik nia.
Deputadu ne'e akresenta, to'o agora seidauk simu orientasaun husi partidu CNRT, atu halo movimentasaun iha Parlamentu Nasionál hodi forma governu foun.
Duarte relata, karik akontese eleisaun antesipada Partidu CNRT prontu atu kompete. (*)