Arke Bispu, Dom Virgílio do Carmo hatete, Prezidente Repúblika,  Francisco Guterres Lú Olo,  hanesan aman no símbolu Nasaun. Problema impase polítika ne'ebé akontese sei iha dalan atu rezolve, nune'e Uma Kreda rekomenda atu Prezidente Repúblika buka solusaun tuir lei inan.

"Prezidente Repúblika hatudu nia-aan hanesan símbolu unidade," dehan Arke Bispu, Dom Virgílio do Carmo, iha Palásiu Prezidensiál, Bairru-Pité, Sesta (31/1).

Bispu Diozlseze Dili ne'e afirma,  Uma Kreda nafatin fó apoiu ba Prezidente Repúblika atu ezerse nia kompeténsia importante tuir konstituisaun.

"Konstitusun mak xave atu leno no inspira atu buka dalan atu povu ne'e la'o tuir dalan ne'ebé loos," dehan Dom Virgílio.

Bispu Dioseze Dili ne'e hatete, Igreja Katólika la'ós atu fó hanoin ideia ka solusaun ba problema, maibé Prezidente Repúblika hato'o prekupasaun no husu Igreja Katólika hato'o rekomendasaun.

Rekomendasaun mak dezde uluk iha tempu rezisténsia Uma Kreda sempre akompaña povu nia-susar no terus to'o ukun-aan. Nune'e, sé de'it mak ukun, Uma Kreda kontinua reafirma ninia apoiu.