Login to your account

Username *
Password *
Remember Me

Igreja Katólika Husu Lider Halo Rekonsiliasaun

Prezidente da Republika, Dr. Francisco Guterres Lu Olo ka'er liman ho Arke Bispu Dom Virgílio do Carmo ne'ebe akompana husi Bispo Diosese Baukau, Dom Basilio do Nasimento no Bispo Diosese Maliana, Dom Norberto do Amaral, hala'o sorumutuk ho PR iha palasiu Prezidensial, (31/01) Prezidente da Republika, Dr. Francisco Guterres Lu Olo ka'er liman ho Arke Bispu Dom Virgílio do Carmo ne'ebe akompana husi Bispo Diosese Baukau, Dom Basilio do Nasimento no Bispo Diosese Maliana, Dom Norberto do Amaral, hala'o sorumutuk ho PR iha palasiu Prezidensial, (31/01) Foto Midia PR

Tempotimor (Dili) - Solusaun atu hapara impase polítika dalan ida maka rekonsiliasaun entre lideransa sira.

Pozisaun Igreja Katólika, liuhusi Arke Bispu, Dom Virgílio do Carmo, husu ba polítiku na'in sira atu rekoñese diverjénsia sira no buka hakuak no kaer liman hakat ba oin tamba povu kontinua halerik.

"Na'i ulun sira maski iha diverjénsia mosu, buka hakaas aan atu tau ba kotuk. Kaer liman hamutuk no rekonese buat ne'ebé akontese ita mos brani atu hadi'a," dehan nia,  Arke Bispu Dom Virgílio do Carmo, iha Palásiu Prezidensiál, iha Bairru-Pité, Sesta (31/1).

Nia hatutan, buka dalan atu rekupera buat ne'ebé la loos, nune'e kaer liman hamutuk la'o ba oin.

Dom Virgílio akresenta, tanba nu'udar ema sarani tenke iha mos forsa atu simu buat ne'ebé la loos nian, aseita buat ne'ebé liu ona no hadi'a hodi la'o ba oin.

Tuir Dom Virgílio, polítiku sira kuandu hetan kadeira tanba povu mak hatúr tiha ona, hetan tiha kadeira ukun, oinsa mak buka atu hako'ak nafatin povu.

Situasaun hanesan ne'e, Dom Virgilio dehan, povu kontinua halerik tanba nee husu lider sira kaer liman hamutuk, unidade ho asaun hanesan ne'e mak hatudu nu'udar ema sarani neebe loos.

Konferénsia Episkopál mós agradese no apresiasaun ba konfiansa husi Prezidente Repúblika,  Francisco Guterres Lú Olo, hodi partisipa ba diálogu buka solusaun ba impase polítika iha Timor-Leste. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter