Login to your account

Username *
Password *
Remember Me

Prezidente CET Agradese ba Governu

Prezidente Conferência Epíscopal Timorense (CET) no Bispu Dioseze Maliana Don Norberto do Amaral asina hela akordu ho Governu Timor Leste wainhira PM Taur Matan Ruak hamri'ik hodi asiste (13/11) Prezidente Conferência Epíscopal Timorense (CET) no Bispu Dioseze Maliana Don Norberto do Amaral asina hela akordu ho Governu Timor Leste wainhira PM Taur Matan Ruak hamri'ik hodi asiste (13/11) Foto Midia PM

Tempotimor (Dili)- Prezidente Conferência Epíscopal Timorense (CET) no Bispu Dioseze Maliana Don Norberto do Amaral, agradese ba VIII governu konstituisional, tanba, maski iha situasaun polítika ne'ebé la'o la normál, maibé iha fuan nafatin hodi fó apoiu ba CET.

"Primeiru atu agradese ba oitavu governu konstituisional, maski ho situasaun apertadu ho politika ne'ebé halo ita ulun tun ain sa'e, maibé sei iha fuan hodi aloka osan millaun $5 ba iha Igreja Katólika", Don Norberto do Amaral agradese.

Prezidente CET ne’e esplika, hanesan bai-bain asina ne'e, tuir ona definisaun ne'ebé governu fó ba edukasaun, sosiál, no administrasaun ho tan buat sira seluk.

"Buat ne'e iha tiha ona, depois iha laran ami iha regra sira atu uza bei-beik osan ne'e, depois responsabliza ho relatóriu sira ne'ebé atu hato'o ba governu", Bispu haktuir.

Entretantu, Conferência Epíscopal Timorense (CET) asina akordu ho governu Timor Leste to'o ohin, ba dala tolu ona.

"Asina ofisiál ho ida ne'e ba dala tolu ona, ida VII governu nian ne'ebé ho millaun $15, maibé realidade Igreja simu de'it millaun $6 no millaun $9 seluk, ne'e governu atu finansia obra sira ne'ebé seidauk hotu, depois iha asina tuir mai millaun $10, ne'ebé uza tiha ona no relatóriu entrega tiha ona, agora millaun $5", Prezidente CET afirma. (*)

 

PUBLISIDADE

Rate this item
(0 votes)
Last modified on Saturday, 14 November 2020 00:30
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter