Liuhusi reuniaun semanál ho Prezidente Repúblika, Francisco Guterres Lú Olo, Primeiru Ministru, Taur Matan Ruak, aprezenta kona-ba preparativus governu Timor-Leste nian.
"Informa de'it preparativus ita nian kona-ba Virus Corona," dehan PM Taur, iha Palásiu Prezidensiál, Bairru-Pité, Kinta (30/1).
Nia hatutan, estudante ne'ebé iha fatin virus (Wuhan), Governu haree posibilidade atu evakua sira no perparasaun iha rai para bele evita no minimiza.
Hafoin Orsamentu Jerál Estadu (OJE) tinan fiskál 2020 xumba iha Parlamentu Nasionál, Primeiru Ministru, Taur Matan Ruak, hasoru malu ho Prezidente Repúblika, Francisco Guterres Lú Olo, ba dala rua ho diversas informasaun ne'ebé diferente. (*)