Login to your account

Username *
Password *
Remember Me

Arsenio Bano Esforsu Kria Servisu ba Oecusse Oan

Prezidente Autoridade RAEOA, Arsenio Paixão Bano ko’alia hela ba media hafoin sorumutu ho Primeiru Ministru, Taur Matan Ruak, ihafFarol, segunda (17/10). Prezidente Autoridade RAEOA, Arsenio Paixão Bano ko’alia hela ba media hafoin sorumutu ho Primeiru Ministru, Taur Matan Ruak, ihafFarol, segunda (17/10). Foto Tempo Timor

Tempotimor (Dili)-Prezidente Autoridade Rejiaun Espesiál Oecusse Ambeno (RAEOA), Arsenio Paixão Bano esforu hela atu kria servisu ba Oecusse oan sira.

" Ha'u hanesan prezidente RAEOA, sei esforsu kria servisu iha Raeoa ba Raeoa oan sira,  aumenta rendimentu iha Raeoa, ema balun dehan zona franca ne'e la di'ak, maibé hein lai, ita halo estudu lai, saida mak ita bele oferese, sei kria servisu barak ka lae, osan ne'e sei sirkula iha ne'ebá ka lae, ne'e ita sei halo estudu uluk, labele pesimista lai, tanba ita tenke buka duni solusaun ba reseitas tama, fó servisu ba populasaun, iha kompañia balun interesadu ona ba Raeoa, tanba oecusse iha kondisaun ne'ebé di'ak", dehan nia hafoin sorumutu ho Primeiru Ministru, Taur Matan Ruak, ihafFarol, segunda (17/10).

Tanba, Raeoa foin moris tinan -7, entaun dahuluk halo esforsu barak hodi hadi’a uluk ona infrastrutura, aeroportu, estrada iha zona sentrál no rural.

"Ita preokupa katak, osan ne'e labele despeza de'it, maibé mós tenke iha reseitas, reseitas ita halo dadauk, ki’ik boot ita halo ona, osan tama husi aeroportu osan tama husi aviaun, ne'e seidauk troka hotu osan ne'ebé ita hasai, tanba ne'e ita labele kontente lai, osan tama husi fronteira sei oituan, ita mós halo depozita prazu halo osan, ita diskuti ho kompañia sira halo investimentu iha Raeoa," nia afirma

Nune’e, foin dadauk hasoru-malu ona ho kompañia balun, ne’ebé interesadu ba hotel liuliu ba iha  área turizmu ninian eh ba seluk tán mak investimentu ba iha zona franca.

"Ha'u hanoin ba futuru ne'e di'ak hela, osan ne'e tama labele ba Raeoa, osan ne'e kuandu tama ba Timor Leste, tanba iha responsabilidade atu kontribui ba reseitas nasionál," nia dehan

Prezidente Raeoa garante, tanba Raeoa nu'udar sidade ida ne'ebé mós liu iha Timor-Leste (TL).

"Oecuse sidade mós liu iha TL, ida ne'e sei mantein no dada ona ema nia interese atu investe iha área turizmu, oecuse ne'e palin aman liu, aeroportu palin di'ak iha timor ne'e oecuse, ne'e fó ona valór pozitivu ba investor sira mai iha oecuse, eh kuandu zona franca ne'e harii iha oecuse, ami sei konvida empreza nasionál sira atu bele mós partisipa iha laran, tanba ha'u lakohi modo ne'e husi rai li'ur, ha'u lakohi na’an mai husi rai li'ur." (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter