Mari Defende Nafatin Taur Nu'udar PM

Prezidente da Republika, simu ekipa dialogu husi partidu FRETILIN ne'ebe lidera husi Sekretariu Jeral, Dr. Mari Alkatiri, (24/01) Prezidente da Republika, simu ekipa dialogu husi partidu FRETILIN ne'ebe lidera husi Sekretariu Jeral, Dr. Mari Alkatiri, (24/01) Foto Midia PR

Tempotimor (Dili) - Sekretáriu Jerál Partidu Frente Revolucionária Timor-Leste Independente (FRETILIN), Mari Alktiri defende nafatin Taur Matan Ruak nu'udar Primeiru Ministru VIII Governu Konstitusionál.


"Primeiru Ministru, ha'u laiha dúvida. Ha'u mós defende (Taur Matan Ruak), nia hanesan eis-Jenerál," dehan Mari Alkatiri, iha Palásiu Prezidensiál, Bairru-Pité, Sesta (24/1).

Eis-Primeiru Ministru ne'e hatete, Taur Matan Ruak nafatin asume kargu xefe governu tanba lei mak haruka no agora dadaun ne'e seidauk iha governu jestaun.

Tuir Mari, governu jestaun akontese bainhira antes halo eleisaun no hafoin eleisaun.

Antes ne'e, Prezidente Repúblika (PR), Francisco Guterres Lú Olo depozita nafatin konfiansa ba Taur Matan Ruak, hodi asume kargu Primeiru Ministru ho ninia kompeténsia tomak.

"Orsamentu Jerál Estadu la passa maibé Taur Matan Ruak kontinua nafatin nu’udar Primeiru Ministru VIII Governu Konstitusionál ho ninian kompeténsia tomak ne’ebé lejítimu no plenu", dehan nia, liuhusi komunikadu ne'ebé www.tempotimor.com asesu, Kinta (23/1). 

Tuir artigu 74 Konstituisaun Prezidente Repúblika mak Xefe Estadu, símbulu no garantia ba indepedénsia nasionál no unidade Estadu, funsionamentu regulár institusaun demokrátiku sira. (*)

Rate this item
(10 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.