MOP Sosa Makina Teste Alkatraun ho Folin Tokon $272

estrada entre Hera ba Manatutu alkatraun to'o ona iha subaun estrada entre Hera ba Manatutu alkatraun to'o ona iha subaun Foto arkivu MOP

Tempotimor (Dili)-Atu bele garante kualidade alkatraun ne’ebé uza hodi konstrui estrada iha Timor Leste, Ministériu Obras Públika (MOP) sosa ona makina teste alkatraun ho folin millaun $272.

Ministru Obras Publika Salvador Pires informa, MOP sosa ona makina teste alkatraun no daudaun ne’e makina refere to’o ona iha Timor Leste.

"Makina ida ne'e ajuda tebes ita-nia prosesu verifikasaun no inspesaun ba investimentu ne'ebe governu halo iha seitor estrada nian i hametin nafatin ita-nia misaun," dehan Salvador iha edifisiu Diresaun Nasional Peskiza MOP, Kaikoli, Dili, Tersa (14/1).

Ministru ne’e dehan, makina teste alkatraun ne’e nu’udar ekipamentu dahuluk ne’ebé Timor Leste iha no iha mós planu atu aumenta tan ekipamentu sira seluk.

"Governu agora sei tau inportansia maka’as ba investimentu laboratoriu nasional hodi asegura investimentu iha kapital, liu-liu iha seitor estrada.

Ho makina ne’e, Ministru Salvador garante katak bao in sei bele asegura kualidade estrada sai di’ak liu no lalais liu tan.

Entretantu, bainhira jornalista sira husu kona-ba ninia aujensia iha audensia ba proposta Orsamentu Jeral Estadu (OJE) 2020 ho komisaun PN, Ministru ne’e rekuza atu hataan.

"Ida ne'e ha’u labele hatan," dehan Salvador ne’ebé hetan mós kritika tanba la marka prezensa iha audensia ho deputadu sira iha PN iha semana kotuk.

Rate this item
(0 votes)
Last modified on Tuesday, 14 January 2020 15:42
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com