Diretór Jerál Servisu Migrasaun, Superintendente Agustinho Gomes hatete, prosesu kazu la'o neineik tanba Servisu Migrasaun hasoru dezafiu iha área rekursu umanu hanesan pesoál investigadór ne'ebé limitadu.
"Prosesu la'o kle'ur tanba ita iha limitasaun servisu investigadór," dehan nia, iha knaar fatin, Vila-Verde, Segunda (13/1).
Kestaun prioridade ne'ebé presiza toma atensaun ba dahuluk maka pesoál investigadór, tanba ema sei menus tebes.
Maski nune'e, tuir Gomes, atu sai investigadór la fasil, presiza kapasitasaun no formasaun ba ema atu iha kapasidade halo investigasaun iha área Servisu Migrasaun.
Aleinde rekursu umanu, servisu fatin mós durante ne'e sai preokupasaun tanba sei integradu hamutuk iha Ministériu Interiór.
"Fatin de'it mós la suporta, Servisu Migrasaun to'o momentu ne'e seidauk iha sede jerál", tenik Gomes.
Diretór ne'e hatete, bainhira prosesu dokumentu ruma han tempu naruk tanba kondisaun fatin no pesoál servisu iha migrasaun limitadu.(*)
Diretór Jerál Servisu Migrasaun, Superintendente Agustinho Gomes
Foto tempotimor,com
Tempotimor (Díli)- Servisu Migrasaun durante ne'e halo ona servisu makaas, maibé seidauk másimu tanba sei falta rekursu umanu, liuliu investigadór sira.
Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.comRelated items
in English
Popular
Error: No articles to display
.