Ministru Salvador: Tinan ne’e, Estrada Parte Oeste Remata

MOP, Salvador Pires MOP, Salvador Pires Foto Midia MOP

Tempotimor (Dili)-Ministru Obras Publiku (MOP) Salvador Pires garante prosesu reabilitasaun ba estrada iha parte Oeste sei finaliza iha tinan ida ne’e.

Ministru ne’e informa, daudauk ne’e prosesu reabilitasaun atinze ona porsentu 84.

"Estrada parete oeste tuir eskezul sei remata iha tinan ida ne'e, tanba daudaun atinze ona 80 ital pursentu,” dehan nia iha edifisiu Diresaun Nasionál Peskiza MOP, Kaikoli, Dili, Tersa (14/01).

Kona-ba estrada parte leste, Ministru ne’e dehan, prosesu reabilitasaun ba estrada husi Dili ba Manatuto no Baukau iha progresu no kualidade di’ak.

“Estrada Dili ba Manatuto no Baukau ita haree progresu tebes ho kualidade di’ak," dehan Salvador.

Atu bele garante kualidade, nia dehan, maske molok ne’e seidauk iha ekipamentu teste alkatraun maibé MOP bele garante kualidade tanba kria ekipa task force tolu ne'ebé tuun direitamente ba terenu hamutuk ho kompania konstruktor sira hodi reabilita estrada.

"Antes ne'e ita laiha ekipamentu atu teste kualidade, maibé ita forma de'it ekipa task force tolu hodi kontrola kualidade iha parte sentru, oeste no leste," dehan ministru ne’e.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com